Skip to content

Skip to table of contents

Abatemwe ba Yehova

Select language Ekihavu

 ESOMO 5

Muhigo Guhe Mungu agwerhe oku Biyerekere egulu?

Muhigo Guhe Mungu agwerhe oku Biyerekere egulu?

1. Bici byarhumaga Mungu alema egulu?

Yehova ahere egulu abalume n’abakazi. Egulu h’ahamwerhu. Cecarhumaga Adamu na Eva barhalemerwa kuburha mpu bayunjuze embingu, Mungu ali amalire kulema abamalaiyika yibalama embingu. (Ayubu 38:4, 7) Mungu ali hebere omuntu w’oburhanzi omu ishwa linja ly’eparadizo bayirika Edeni. (Mwanzo 2:15-17) Yehova alihere Adamu haguma n’abana ali aburha obunihire bw’okucisimira akalamo k’esiku zoshi oku igulu.​—Soma Zaburi 37:29; 115:16.

Obusitani bwa Edeni, ye yali paradizo yonyine. Oyo mulume n’omukazi bali bayunjuza egulu abana babo. Okw’esiku zali zagenda zahwa, bali bahindula egulu lyoshi paradizo. (Mwanzo 1:28) Egulu nji lirhashandazwa. Egulu nji lyagenderera kuba ahantu abantu balamire.​—Soma Zaburi 104:5.

2. Bici birhumire egulu lirhaba paradizo?

Adamu na Eva barhakengaga Mungu naye ava abafukuza omu ishwa lya Edeni. Eparadizo yava yahera intyo eli nta na muntu wakayigalula. Ebiblia ederhere okw’: “Egulu lyalekerwe omu maboko m’omubi.”—Ayubu 9:24.​—Soma Mwanzo 3:23, 24.

Aliko si, Yehova ayibirire omuhigo aligwerhe okubiyerekere abantu? Nanga! Yewe aba Mugala byoshi. Birhakamugamba. (Isaya 45:18) Nj’agwasa abantu kubaho kuguma n’oku ali lonzeze babeho.​—Soma Zaburi 37:11, 34.

3. Gurhe Mungu nj’agalula Eparadizo?

Eparadizo nji yagaluka oku igulu amango Yesu nj’aba ali arhegeka nka mwami waheberweko na Mungu. Omu ntambala ya Harimagedoni, Yesu haguma na bamalayika ba  Mungu balimbula abantu boshi barhakenga Mungu. Enyuma Yesu ashweka Shetani emyaka 1000. Abantu ba Mungu nji balokoka oko kulimbuka kubulala Yesu abayobola anabalange. Nji basimiswa n’akalamo k’esiku zoshi hanola oku igulu.​—Soma Ufunuo 20:1-3; 21:3, 4.

4. Mangoci amalumwa gahwa?

Mangoci Mungu amala amalumwa oku igulu? Yesu ahanire “Ecimenyeso” c’okurhuyereka ok’obuzinda buli hofi. Ebili omu igulu zene biyubahisize bwenene kandi binayerekene oku rhulamire “omusiku z’obuzinda.”​—Soma Matayo 24:3, 7-14, 21, 22.

Emyaka 1000 Yesu amala eli ali arhegeka egulu, nj’amalaho amalumwa. (Isaya 9:6, 7; 11:9) Olekere kuba mwami, Yesu nj’anakola nka Kuhani(umutambyi) yamalaho ebyaha by’abantu basima Mungu. Kokuderha, kugerera Yesu, Mungu nj’akulaho endwala, okushaja n’olufu.​—Soma Isaya 25:8; 33:24.

5. Bande nji balama omu Paradizo?

Oku Nju y’Obwami, wahashimana abantu basima Mungu banalonzeze kuyiga gurhe bakamusimisa

Abantu bakenga Mungu bo nji balama omu Paradizo. (1 Yohana 2:17) Yesu arhumire abanafunzi bage kuja kolonza abantu bacicisa bufi banabayigirize ebintu bakwanene kukola yi Mungu abayemera. Zene, Yehova ali akwiza abantu banene yi njibalama omu Paradizo oku igulu omu siku zayinja. (Zefaniya 2:3) Oku maju m’Obwami ah’Abatemwe ba Yehova banakusanyikira abakazi n’abalume bayiga gurhe bakaba bazere benja. Abana n’abazere bashengera Yehova haguma n’okuyiga gurhe emyazi minja yakabagwasa.​—Soma Mika 4:1-4.