Skip to content

Skip to table of contents

Abatemwe ba Yehova

Select language Ekihavu

 ESOMO 8

Bici Birhuma Mungu Aleka Amalumwa n’Amabi Bigenderere Kubaho?

Bici Birhuma Mungu Aleka Amalumwa n’Amabi Bigenderere Kubaho?

1. Okw’ecibi carhangiraga

Mungu alekere abantu yi barhegeka esiku zinene yi bayerekana oku barhakagala kukulaho ebibazo by’abantu

Obubi bwarhangiraga omwigulu amango shetani abwiraga omukazi murhanzi emyazi y’obubeshi. Oburhanzi Shetani aliri malaika mutakatifu, aliko “arhaberaga omu kuli.” (Yohana 8:44) Akuzaga enyifinjo y’okulonza bamuharamye tena Mungu yenyine yi rhukwanene kuharamya. Shetani arhebekaga omukazi murhanzi Eva, amurhebeka kusudi amukenge ah’okukenga Mungu. Adamu ayunvirize mukage Eva bava balahira kukenga Mungu. Ebi Adamu akolere byarhulerhere amalumwa n’olufu.​—Soma Mwanzo 3:1-6, 19.

Amango Shetani arhebekaga Eva kurhakenga Mungu, kwali kurhangiza kulwisa oburhegesi bwa Mungu buli enyanya ya byoshi. Abantu banene bakulikire Shetani balahira oburhegesi bwa Mungu. Intyo sasa ku Shetani ahindukaga “murhegesi w’egulu.”​—Soma Yohana 14:30; 1 Yohana 5:19.

2. Hali ecaha ebi Mungu alemaga byali bigwerhe?

Ebi Mungu alemaga byoshi nta caha byali bigwerhe. Amango Mungu amalilema abamalaika n’abantu, boshi bali bagwerhe obuhashe b’wokumukenga. (Kumbukumbu 32:4, 5) Mungu arhulemaga eli rhugwerhe obuhuru bw’okuchishoga kujira ebintu binja cangwa bibi. Kubulala rhugwerhe obo buhuru, rhwakacishoga kusima mungu cangwa rhwanabilahira.​—Soma Yakobo 1:13-15; 1 Yohana 5:3.

3. Bici byarhumire Mungu aleka amalumwa magenderere kugeza zene?

Yehova alekere abanzi b’oburhegesi bwage bagenderere kubaho esiku zilebe. Bici byarhumire? Alonzaga abantu babone ok’okucirhegeka buzira Mungu ntaco  byakabamalira. (Mhubiri 7:29; 8:9) Hamagera emyaka 6000 aliko okuli kwabonekene. Oburhegesi bw’abantu bwafundirwe kukulaho entambala, olugomo, kujirirana kubi cangwa endwala.​—Soma Yeremiya 10:23; Waroma 9:17.

Ecisomerene, oburhegesi bwa Mungu bujirira akamaro ababuyemera boshi. (Isaya 48:17, 18) Hofi hano, Yehova akulaho oburhegesi bw’abantu boshi. Abantu boshi bayemera gurhegekwa na Mungu bonyine nji balama oku igulu.—Isaya 11:9.​—Soma Danieli 2:44.

4. Okucihangana kwa Mungu birhuma rhwakola bici?

Shetani aderhere oku nta muntu wakakolera Mungu kurhenga oku murhima. Wakagali yerekana oku Shetani abeshya si? Okucihangana kwa Mungu kurhuma rhwayerekana olunda rhuliko. Oku rhulamire byebinabiyerekana.​—Soma Ayubu 1:8-12; Methali 27:11.

5. Oku rhwakacishoga Mungu nka murhegesi werhu

Ebirhunacishoga binayerekana akaba rhulonzenze Mungu arhubere murhegesi

Rhwakacishoga Mungu yaba murhegesi werhu rhwagendera oku kuli k’omu Biblia. (Yohana 4:23) Rhwakalahira Shetani kuba murhegesi werhu rhwacilanga epolitike n’entambala kuguma na Yesu.​—Soma Yohana 17:14.

Shetani akolesa emisi yage y’akululira abantu omu bubaraga n’ezindi ngeso zizingire. Eyi rhulahira ezi ngeso, abira berhu na bene berhu bakarhusheka cangwa kurhulwisa. (1 Petro 4:3, 4) Aha lero harhukwanene kucishoga. Bobuno si nji rhwacishoga kucigwasanya n’abantu basima Mungu? Nji rhwayemera si empanulo n’amarhegeko byage? Rhukala rhwabijira intyo rwakayerekana oku Shetani abehyaga amango aderha oku nta muntu wakakolera Mungu amango ali omu mateseo.​—Soma1 Wakorinto 6:9, 10; 15:33.

Okuba rhuyinji oku Mungu agwerhe obuzigire birhuyemeza oku nj’amalaho amalumwa moshi. Boshi bayerekana oku bacizera ebyo nji bacisimira akalamo k’esiku zoshi hano oku igulu.​—Soma Yohana 3:16.