Skip to content

Shimbukira oku mukololo gw'ebili mo

 SOMO LYA 1

Abahamirizi ba Yehova baba bantu bachi?

Abahamirizi ba Yehova baba bantu bachi?

Danemarke

Taiwan

Venezuela

Ende

Bahamirizi ba Yehova banga omenyere? Nkabaga baguma mu rhwewe bali baturanyi bawe, bantu onakola nabo, changwa benyu banafunzi. Kandi, nkabaga rhwachigerere kuganira nawe oku bilolere Ebiblia. Omu bukweri rhuli ba nde? Bulagurhe rhunaganira n’abandi oku biyerekeze Obuyemere bwerhu?

Rhuba kuguma n’abandi bantu. Rhurhengerere mu buli buko na buli mibereho y’abantu. Baguma mu rhwewe baliri omu mandi madini, n’abandi barhalimenyere chiro oku Mungu abaho. Aliko embere rhube bahamirizi ba Yehova, rhweshi rhwalirholere ebisanzi by’okuyiga bwenene enyigiririzo ze Biblia. (Matendo 17:11) Kugerera ezola nyigirizo, rhwabona okw’ebirhuli rhwayiga buli bukweri. Nantyo, buli muguma achishoga yewe yenyine okuharamya Yehova Mungu.

Okuyiga Ebiblia kwerhu kunarhulerhera enyungu zinene. Rhuherhe ebibazo n’obufe kuguma n’abandi boshi. S’aliko omu kuchihangana kukolesa amakanuni me Biblia buli lusiku, akalamo kerhu kahindamukire kanakwira bwenene. (Zaburi 128:1, 2) Chechinarhuma rhunabwira abandi oku bintu binja rhwayigire omu Biblia.

Rhunakolesa amakanuni ma Mungu omu kalamo kerhu. Amola makanuni mali omu Biblia, manarhurhabala rhulame bwinja n’abandi bantu, rhubakenge n’okugwarha ezindi ngeso nk’obunihirwa n’obwinja. Manarhurhabala rhugwarhe amagala makwirire, rhube baturanyi benja, rhugwarhe obuguma omu milala yerhu n’okuchigendesa bwinja. Omu kumenya oku “Mungu arhajira kalondole,” rhunachibona oku rhuli mulala muguma omu gulu lyoshi. Rhurhajira akabolo k’eshusho ly’omubiri, rhurhanayemera ebintu by’epolitike byarhugabula. Chiro akaba oku rhuli bantu kuguma n’abandi, rhuli lubaga lurhali kuguma n’ezindi.​—Matendo 4:13; 10:34, 35.

  • Inkagurhe Abahamirizi ba Yehova baba bantu kuguma n’abandi?

  • Makanuni mahe Abahamirizi ba Yehova bayigire omu Biblia?