Abubuwan da Za Mu Koya Daga Kalmar Allah

KA KUNNA

Littafi Mai Tsarki yana ɗauke da saƙo daga Allah, ko kuma kalmarsa domin mu a yau. Yana koya mana yadda za mu yi rayuwa mai kyau da kuma abin da za mu yi don Allah ya amince da mu. Ƙari ga haka, yana amsa tambayoyin nan:

1 Wane ne Allah na gaskiya?
2 Ta yaya za ka iya koya game da Allah?
3 Wane ne ya rubuta Littafi Mai Tsarki?
4 Saƙon Littafi Mai Tsarki ya yi daidai da kimiyya ne?
5 Wane saƙo ne ke cikin Littafi Mai Tsarki?
6 Mene ne Littafi Mai Tsarki ya annabta game da Almasihu?
7 Mene ne Littafi Mai Tsarki ya annabta game da zamaninmu?
8 Allah ne yake jawo wa ꞌyanꞌadam wahala?
9 Me ya sa ꞌyanꞌadam suke shan wahala?
10 Wane alkawari ne Littafi Mai Tsarki ya yi game da nan gaba?
11 Mene ne yake faruwa da mutum saꞌad da ya mutu?
12 Me zai faru da matattu a nan gaba?
13 Mene ne Littafi Mai Tsarki ya faɗa game da aiki?
14 Ta yaya za ka yi amfani da dukiyarka da kyau?
15 Me zai taimaka maka ka zama mai farin ciki?
16 Me za ka yi idan kana fama da yawan damuwa?
17 Ta yaya Littafi Mai Tsarki zai taimaka wa iyalinka?
18 Ta yaya za ka kusaci Allah?
19 Yaya aka tsara littattafan da ke cikin Littafi Mai Tsarki?
20 Ta yaya za ka amfana sosai daga karatun Littafi Mai Tsarki?

YADDA ZA KA IYA SAMUN NASSI A CIKIN LITTAFI MAI TSARKI

Littafi Mai Tsarki ya ƙunshi ƙananan littattafai guda sittin da shida. An raba shi kashi biyu zuwa: Nassosin Ibrananci da Yaren Aramaik (“Tsohon Alkawari”) da kuma Nassosin Girkanci (“Sabon Alkawari”). Nassosin Girkancin ya ƙunshi littattafai ashirin da bakwai kuma ya soma ne da ba da tarihin Yesu Kristi. An kasa kowanne cikin littattafai da ke cikin Littafi Mai Tsarki zuwa surori da ayoyi. Idan aka rubuta wani nassi, lamba ta farko da ke bin bayan sunan littafin ita ce sura, saꞌan nan lamba ko kuma lambobi da ke biye da wannan su ne ayoyi. Alal misali, Matiyu 1:1 yana nufin littafin Matiyu sura 1, aya 1.

Hakkin Mallaka na wannan littafin

Shaidun Jehobah