Sashe 20

An Kashe Yesu Kristi

Yesu ya kafa sabon abin da za mu kiyaye; an ci amanarsa kuma an tsire shi a kan gungume

BAYAN shekaru uku da rabi na yin wa’azi da koyarwa, Yesu ya san cewa lokacinsa a duniya ya zo ƙarshe. Shugabannin addinin Yahudawa suna ƙulle-ƙulle don su kashe shi, amma suna tsoron hargitsi daga mutanen da suka ɗauke shi a matsayin annabi. A lokacin, Shaiɗan ya rinjayi Yahuda Iskariyoti, ɗaya daga cikin manzanni Yesu guda 12, don ya zama maci amana. Shugabannin addinai sun ba Yahuda tsabar kuɗin azurfa 30 don ya ci amanar Yesu.

A darensa na ƙarshe, Yesu ya tara manzanninsa don su kiyaye Idin Ƙetarewa. Bayan ya sallami Yahuda, ya kafa sabon abin da za su riƙa kiyayewa, wato, Jibin Maraice na Ubangiji. Ya ɗauki gurasa, ya yi addu’a, kuma ya miƙa gurasan ga manzanni 11 da suka rage. “Wannan jikina ne wanda aka bayar domin ku,” in ji shi. “Ku yi wannan abin tunawa da ni.” Ya yi hakan kuma da ƙoƙon inabi, yana cewa, “Wannan ƙoƙo sabon alkawali ne, cikin jinina.”—Luka 22:19, 20.

Yesu yana da abubuwa da yawa da zai tattauna da manzanninsa a wannan daren. Ya ba su sabuwar doka, wato, su ƙaunaci juna babu son kai. Ya ce: “Bisa ga wannan mutane duka za su fahimta ku ne almajiraina, idan kuna da ƙauna ga junanku.” (Yohanna 13:34, 35) Ya aririce su kada su ƙyale zukatansu ta damu domin mugayen abubuwan da suke gab da aukuwa. Yesu ya yi addu’a sosai a madadinsu. Sun yi waƙoƙin yabo tare kuma suka fita tare a daren.

A lambun Jathsaimani, Yesu ya durƙusa kuma ya yi addu’a sosai ga Allah. Ba da daɗewa ba, rundunar sojoji riƙe da makamai, firistoci, da wasu suka iso don su kama shi. Yahuda ya isa wurin kuma ya nuna musu Yesu ta wajen yi masa sumba. Yayin da sojojin suka kama Yesu, sai manzannin suka gudu.

Sa’ad da yake tsaye a gaban babban kotun Yahudawa, Yesu ya bayyana kansa a matsayin Ɗan Allah. Kotun ya ce ya same shi da laifin yin saɓo kuma ya cancanci ya mutu. Sai aka kai Yesu wajen Gwamna Ɗan Roma Bilatus Ba-Bunti. Ko da yake bai sami Yesu da wani laifi ba, ya miƙa Yesu ga gungun mutanen da suke son su kashe shi.

An kai Yesu Golgota, inda sojojin Roma suka tsire shi a kan gungume. Ta hanyar mu’ujiza, rana tsaka ta koma duhu. Can da rana, Yesu ya mutu, kuma aka yi muguwar girgizar ƙasa. An kwantar da gawarsa a cikin kabarin da aka yi a cikin dutse. Washegari, firistoci suka rufe bakin kabarin kuma suka sa masu gadi. Yesu zai ci gaba da kasancewa ne a cikin kabarin? A’a. Mu’ujiza mafi girma tana gab da faruwa.

—An ɗauko ne daga Matta surori 26 da 27; Markus surori 14 da 15; Luka surori 22 da 23; Yohanna surori 12 zuwa 19.

◼ Wane sabon abin tunawa ne Yesu ya kafa?

◼ Waɗanne abubuwa ne suka kai ga mutuwar Yesu?

[Akwati a shafi na 23]

MATSAYIN YESU NA MUSAMMAN

Mutuwar Yesu ta cika matsayi na musamman wajen cika nufin Jehobah. Domin an yi cikin Yesu ta hanyar ruhu mai tsarki na Allah, an haife shi kamiltacce, kuma ba ya bukatan ya mutu. Duk da haka, ya ba da ransa domin mutane su sami damar yin rayuwa har abada kuma su more irin rayuwar da Adamu marar biyayya ya sa ’ya’yansa suka rasa. a—Matta 20:28; Luka 1:34, 35; Yohanna 3:16, 36; 2 Bitrus 3:13.

[Hasiya]

[Taswira a shafi na 23]

Farawa

Fitowa

Levitikus

Littafin Lissafi

Kubawar Shari’a

Joshua

Alƙalawa

Ruth

1 Sama’ila

2 Sama’ila

1 Sarakuna

2 Sarakuna

1 Labarbaru

2 Labarbaru

Ezra

Nehemiya

Esther

Ayuba

Zabura

Misalai

Mai-Wa’azi

Waƙar Waƙoƙi

Ishaya

Irmiya

Makoki

Ezekiel

Daniyel

Hosiya

Joel

Amos

Obadiya

Yunana

Mikah

Nahum

Habakkuk

Zafaniya

Haggai

Zakariya

Malakai

Matta ●

Markus ●

Luka ●

Yohanna ●

Ayyukan Manzanni

Romawa

1 Korintiyawa

2 Korintiyawa

Galatiyawa

Afisawa