Känändre nekänti

¿Ñobätä nitre testiko Jehovakwe ñaka kä gätä nuainkäre ietre ye kädeke iglesia?

¿Ñobätä nitre testiko Jehovakwe ñaka kä gätä nuainkäre ietre ye kädeke iglesia?

Kukwe griekore niebare Bibliabätä abokän ruäre ngwane kwitata ‘iglesia’, konkrekasion o nitre Ngöbö mikaka täte metre gärätä, aune ñaka kä gätä nuainkäre gärätä.

Ñodre, apóstol Pablo käkwe kukwe tikani nitre kristiano Roma ie ye ngwane, köbö kwin juani kwe nitre gure Áquila aune Priscila ye kräke aune niebare kwe arato: “Nitre tödekaka Jesubti tä ja ükekrö [...], ye kräke tita köbö kuin juen” (Romanos 16:5). Erametre, Pablo nämene köbö kwin juen nitre ruäre nämene ja ükökrö gwi ye kräke. *

Ye medenbätä, nun ñaka ju gätä nuainkäre nunye ye kädeke iglesia, ñakare aune nunta kädeke Ju ja Ükarakrö.

¿Ñobätä kä gätä nuainkäre ye kädekata Ju ja Ükarakrö nitre testiko Jehovakwe ie?

Kukwe keta kabrebätä ju ye kädekata kore. Ani mike gare ruäre jai:

  • Ju ja ükarakrö ye ketaninkä aune yete gätä nuainta.

  • Nunta ja ükökrö Ngöbö Jehová kädekateta Bibliabätä ye käikitakakäre, aune blitakärebätä (Salmo 83:18; Isaías 43:12).

  • Gobran Ngöbökwe abokänbätä Jesukwe blitabare krubäte ye mikakäre gare bäri jai nunta ja ükökrö (Mateo 6:9, 10; 24:14; Lucas 4:43).

Ju ja Ükarakrö tärä mätä nüne ye kenta temen angwane nunta mä nübaire mike gare jai, ne kwe nun testiko Jehovakwe tä gätä nuainne ño ye rabadre gare mäi.

^ párr. 3 Kukwe ye erere nieta arato 1 corintios 16:19, Colosenses 4:15 aune Filemón 2 yekänti.