Känändre nekänti

Känändre página mada yekänti

Testiko Jehovakwe

ngäbere

¿Ni testiko Jehovakwe raba kukwe mikata täte kwe ye tuenmetre o ñakare?

¿Ni testiko Jehovakwe raba kukwe mikata täte kwe ye tuenmetre o ñakare?

Jän. Nire ñaka tö niena rabai testiko Jehovakwe ye mika raba gare kukwe ketebubiti:

  • Täräkwata tikadre. Ni ye töita ño ye mikadre gare kwin kwe, ñaka tö niena ja tuai Testiko ye raba niere kukwere o raba tike täräkwatabätä.

  • Ja ngwanta ño yebiti. Ni ye ñaka tö niena ja tuai nitre testiko Jehovakwe tä kä jökräbiti ye ngätäite ye raba bämike tä kukwe nuainne yebiti (1 Pedro 5:9). Ñodre, raba ja mike kukwe mada ngwarbe yete aune raba ja töi mike ñaka kukwe ngwarbe ye tuanmetrebätä (1 Juan 2:19).

¿Ni ye ñaka niena kukwe driere o ñaka niena nemen gätä nuainta nitre testiko Jehovakwe yebätä? ¿Ni ye ka ngäbiti ñaka raba ni testiko Jehovakwe ye kwrere?

Ñakare. Kukwe tuanmetreta o ja diankata mento ye ñaka ja erebe tödeka tä di nekä yebe. Tödeka tä di nekä o Jehová mika ñaka täte kä ruäre te ye ñaka tä mike gare kukwe mikata täte ye tuanmetreta kärekäre, ñakare aune jerekäbe ja ngwanta di nekä. Ye medenbätä, nunta ja di ngwen, ni ye töi mike jäme, dimike aune nun ñaka tuenmetre (1 Tesalonicenses 5:14; Judas 22). Ni ye tä ja di ribere ja üairebiti angwane nitre umbre ji ngwanka konkrekasionte ye rabadre dimike käne (Gálatas 6:1; 1 Pedro 5:1-3).

Akwa nitre umbre konkrekasionte ye ñaka raba ni ye mike ja dibiti jankunu nemen testiko Jehovakwe. Ni itire itire tö kukwe meden mikai täte ye tä gare nie (Josué 24:15). Gare metre nunye nire tö Ngöbö mikai täte ye rabadre nuainne ja töi jeñebiti, aune brukwä tätebiti (Salmos 110:3; Mateo 22:37).