Jesukwe nitre nänkä jiebiti ye juani “nitre nünanka kä jökräbti temen, ye [...] mik[e] ja töitikaka” (Mateo 28:19, 20). Niaratre juani kwe kukwe driere ye ngwane, rabadre niken nitre känti ju ju te niebare kwe ietre (Mateo 10:7, 11-13). Jesús murie ketani ye bitikäre, nitre kristiano siklo kena nämene kukwe mike gare jankunu “ja ngwärekri [...] amne ju kwatirekwatire te” (Hechos 5:42; 20:20). Kä nengwane nita ja ngwen nitre kristiano siklo kena erere aune nita niken nitre känti ju ju te ye köböire nita kukwe kwin krubäte tuin nemen bare.