NI MIKAKA MOKRE (TÄRÄKWATA JA TÖTIKARA) Diciembre 2015

Kukwebätä ja tötikai 1 nemen 28 febrero 2016 yete ye tä täräkwata nebätä.

Jehová tä blite nibe

Mekerabe nükebe kä nengwane, Ngöböta kukwe jene jenebiti blite ni kä tibienbätä ben. ¿Ye tä dre driere nie?

Ngöbö kukwei kwitani tä mate ni brukwäte

Nitre braibe dianinkä Biblia Traducción del Nuevo Mundo kwitaka yekwe kukwe ketamä nuainbare ye mike gare jai.

Nikwe debe biandre Jehová mantiame yebätä

Nikwe ja mikadre mantiame yekäre, kä, ni die aune jondron mada mada nikwe yebiti nikwe dre nuaindre ye Biblia tä mike gare.

Nikwe kukwe kwin niedre ni tidrä yebiti

Ñongwane blitadre, dre niedre aune blitadre ño ye Jesús kukwe nuainbare ye tä ni dimike mike gare jai.

Jehovakwe mä ngübai

Nita bren ye ngwane, ¿dre käkwe ni dimikai kukwe kwin den nuaindre jai?

KUKWE KWE MIKATA GARE

Tita jäme Ngöbö aune ti meye ben

Michiyo Kumagai ñaka namanina mräkätre kirabe mike täte ye ngwane, kukwe kri namani jabätä ie meyebe. ¿Ñokänti ja mäkäbareta jäme kwe mräkätre kwe yebe?