Ángel Gabriel juani María meri bati töi kwin krubäte känti. Monsoi rabai iti abokän käkwe gobrain kärekäre niebare kwe ie. Monso kwe Jesús, ye därebare kä jondron nire ngübakäre känti, yete nitre obeja ngübaka nükani tuinbiti. Ye bitikäre, muke kwati käkwe nitre nünanka Kädrikri ye jie ngwani nemen känti. Nirekwe muke ye mikani tuare ie, bätä Jesús kämika tönamani ye ngwane mikani ño kwäre ye rabai gare nie.

Ye bitikäre, kä namanina 12 Jesús yebiti angwane, nämene blite nitre dirikä ben templo yete. Kä kwäjätä biti kwä kwä ye bitikäre Jesús ngökani ñöte, aune Ngöbökwe juani Kä tibienbätä gobran kwe kukwei driere, ye kömikani kwe kä ye ngwane. Jesukwe nitre 12 dianinkä aune kädekani kwe apóstole, ne kwe dimikadre kwe sribi ye nuainkäre.

Jesukwe jondron keta kabre ñan tuabare nuainbare krubäte. Gwa aune ban braibebiti nitre kwati krubäte bukani kwe. Mrä, kukwe keta kabre nakaninkä Jesubätä nämene mrä kä tibienbätä ye ngwane, aune kämikani ño ye rabai gare nie arato. Jesukwe kukwe driebare kä komä biti ötare te, yebätä kukwe KETATI nekänti kä nikani 34 biti bäri ta.

Jesús nämene dirire