Känändre nekänti

Indice yete känändre

Kukwe kira 14: Tödeka Abrahankwe nuaninte

Kukwe kira 14: Tödeka Abrahankwe nuaninte

ABRAHAN ta dre nuainne, ¿ma raba mike narara? Cuchillo ta kisete, bike monsoi kamike. ¿Nobata? Nokanti Abrahan bata Sara monsoi namani ani mike gare kane jai.

Abrahán tä Isaac bien kukwadre

Niaratre monsoi rabai niebare Ngobokwe ie. Akwa Abrahan bata Sara namanina umbre krubate, yebata nan rabai bare namani ruin ietre. Akwa Ngobo raba nuainne ye namani gare kwin Abrahan ie. Ye medenbata, ¿dre namani bare?

Ngobokwe kukwe niebare ye bitikare, ka nikani kwati ta. Abrahan yebiti ka namani 100 aune Sara yebiti ka namani 90, angwane monsoi namani iti kadekani Isaac. ¡Ngobokwe ja kukwei mikani nemen bare!

Akwa Isaac namanina kri ye ngwane, Jehovakwe todeka Abrahankwe nuaninte. ‘¡Abrahan!’ niebare kwe, aune Abrahan iebare ie: ‘¡Tita nete!’ Angwane Ngobokwe niebare ie: ‘Isaac ma monsoi itibe yebe nan ngutua driedi tikwe mai yekanti. Yete makwe ma monsoi ye kamika kukwadre ti mikakare tate.’

¡Abrahan namene monsoi tarere, yebata kukwe niebare ie ye kakwe mikani ulire krubate! Monsotre Abrahankwe ye kakwe nunandi ka Canaan kanti, Ngobokwe kabamikani ie. Akwa Isaac ye kamikadre angwane, ¿nokanti kukwe ye rabadre bare? Kukwe ye naka nukani gare Abrahan ie, akwa Ngobo mikani täte kwe.

Abrahan namani ngutuabiti angwane, Isaac kise dikani kwe aune ka ukaninte kwe jondron kukwakra yebiti mikani kwe. Biti cuchillo diani kwe monsoi ye kamikakra. Akwa ye ngwane angel Ngobokwe kakwe niebare ie: ‘¡Abrahan, Abrahan!’ Aune Abrahan kakwe niebare: ‘¡Tita nete!’

Ngobokwe niebare, ‘makwe naka monso nuain tare’. ‘Ma monsoi itibe makwe ja toi miri kamike tikra, yebata mata todeke tie nibi gare tie.’

¡Abrahan namene todeke krubate Ngoboi! Jondron jokra nuare nuaindre Jehovakra, aune Jehova raba Isaac miketa nire ie namene todeke arato. Akwa Ngobo naka to namani Abrahan tuai Isaac kamike; yebata niara kakwe obeja mikani nemenka kri kudete aune ye kamikadre Abrahankwe Isaac tate niebare kwe ie.

Genesis 21:1-7; 22:1-18.



kukwe ngwantarita

  • ¿Dre käbämikani Ngöbökwe Abrahán ie, aune nuainbare ño kwe?
  • Bämikani ye erere, ¿Ngöbökwe tödeka Abrahankwe ye nuaninte ño?
  • Ngöbö namani kukwe niere ye ñaka nükani gare Abrahán ie, ¿akwa dre nuainbare kwe?
  • Abrahán cuchillo diani monsoi mürie ketakäre ye ngwane, ¿dre namani bare?
  • ¿Abrahán nämene tödeke nuäi Ngöböi?
  • ¿Ngöbökwe dre biani kukwadre Abrahán ie, aune ño?

kukwe mada ngwantarita

  • Ñäkädre Génesis 21:1-7 yebätä.

    ¿Ñobätä Abrahán jondron monsoikwe kwata tikaninkä köbö kwäira te? (Gén. 17:10-12; 21:4.)

  • Ñäkädre Génesis 22:1-18 yebätä.

    ¿Isaac käkwe rün mikani täte ño, aune ye käkwe kukwe bäri ütiäte ja känenkäre bämikani ño? (Gén. 22:7-9; 1 Cor. 5:7; Fili. 2:8, 9.)