Känändre nekänti

Känändre página mada yekänti

Indice yete känändre

Testiko Jehovakwe

ngäbere

Tärä tikwe tä blite Bibliabätä

Kukwe kira 2: Kä bä nuäre krubäte

Kukwe kira 2: Kä bä nuäre krubäte

¡KÄ TIBIEN mike ñärärä! ¡Jondron jökrä bä nuäre! Mikä, kri krikri, kriblü aune jondron nire jökrä mike ñärärä. ¿Elefante aune lion tä medente tuin mäi?

Jondron nire kä Edén yete

¿Ñokänti kä bä nuäre ne namani? Ngöbö Dobro ükaninte ño nikrä ani mike gare jai.

Kena, Ngöbökwe mikä mikani nirien Dobro yebiti. Kri bükün keta kabre aune kämu kia aune kri krikri sribebare kwe. Jondron ne kätä Kä jökrä mike bäri bä nuäre. Akwa ye ñan aibe, kri ketakabre ngwä nemen kwetadre nie.

Biti Ngöbökwe gwa sribebare jübakakäre ñöte aune nukwä kwitakäre kwinta. Nukro, minchi bätä mädä sribebare kwe; jondron nire krikri bätä kia. ¿Mätä nüne yekänti jondron nire tärä? ¡Ngöbö töi kwin krubäte yebätä jondron jökrä sribebare kwe nikrä!

Mrä, Ngöbö kä dianinkä chi biti kwitani bäri bä nuäre kwe. Kädekani kwe Edén. Namani kwin metre. Jondron jökrä kä yekänti namani bä nuäre. Ngöbö tö namani Kä tibien jökrä tuai bä nuäre sribebare kwe nete ne erere.

Jondron üai ye miketa ñärärä. Kä bä nuäre nete, ¿dre namani sribedre Ngöböi gare mäi? Ani mike gare jai.

Génesis 1:11-25; 2:8, 9.



kukwe ngwantarita

  • ¿Ngöbökwe Dobro ükaninte ño nikrä?
  • Ngöbökwe jondron nire sribebare kabre. ¿Ye mä raba kädeke ruäre? (Bämikani ye mike ñärärä.)
  • ¿Ñobätä kä Edén ye ñaka namani kä mada ye erere?
  • ¿Kä tibien ye jökrä rabadre ño ie Ngöbö tö namani?

kukwe mada ngwantarita

  • Ñäkädre Génesis 1:11-25 yebätä.

    ¿Köbö köbömäkäre yete Ngöbökwe dre sribebare? (Gén. 1:12.)

    ¿Köbö köböbäkäkäre te dre namani bare? (Gén. 1:16.)

    ¿Ngöbökwe jondron nire meden meden sribebare köbö köbörike aune köbötikäre yete? (Gén. 1:20, 21, 25.)

  • Ñäkädre Génesis 2:8, 9 yebätä.

    ¿Kri meden dobu mikani Ngöbökwe kä bä nuäre yete, aune ye käkwe dre bämikani?