Känändre nekänti

Indice yete känändre

 NITA JA NGWEN ÑO

¿Jehová mikata metre täte ye ñobätä tuin ütiäte krubäte nie?

¿Jehová mikata metre täte ye ñobätä tuin ütiäte krubäte nie?

Templo mikani tuare Ezequiel ie käkwe nitre judío jänikani ngite ye töi mikani jäme ñan ñobätä aune yekwe mikani gare ietre kukwe ükaiteta Jehová mikakäreta metre täte. Kä krüte nete Jehová mikadre metre täte ye tä ‘ükaninte kwin ngutuä mada yebiti ta’ aune nita gwairebe nitre kwati krubäte juta jene jene yebe niara mike täte (Isa 2:2). Jehová gare nie aune ni raba niara mike täte ye kwin krubäte ni kräke, ¿kukwe yebätä nita töbiketari mantre jetebe ya?

JEHOVÁ MIKATA METRE TÄTE YEBÄTÄ, ¿KUKWE MEDEN MEDEN KWIN TÄ NEMEN NIKWE?

  • Mrö ja üaire bianta krubäte nie yebätä kukwe bäri ütiäte ngwantarita, kukwe kwin ja jie ngwankäre nie aune kukwe kwin ja känenkäre ni kräke ye tä nemen gare nie (Isa 48:17, 18; 65:13; Ro 15:4).

  • Nita keteitibe ja mräkätre aune ja ngwaitre kä jökräbiti tibien tä ja tarere yebe (Sl 133:1; Jn 13:35).

  • Nita sribi ütiäte krubäte nuainne Ngöbö kräke abokän tä kä mike juto nibätä (Hch 20:35; 1Co 3:9).

  • “Kä jäme Ngöbökwe” ye tä ni dimike ja tuakäre kukweta nemen ni kisete yebe (Flp 4:6, 7).

  • Ni töita kwin (2Ti 1:3).

  • Nita ja kete kwin Jehovabe (Sl 25:14).

Jehová mikata metre täte ye ütiäte ti kräke, ¿ye ti raba bämike ño?