Känändre nekänti

Känändre página mada yekänti

Indice yete känändre

Testiko Jehovakwe

ngäbere

Nita Dirire aune Ja Ngwen Ño Kukwe Ja Jie Ngwankäre Gätäte  |  Septiembre 2016

 NITA JA NGWEN ÑO

Monso chi rükadre ni ngäbiti jukwete ye ngwane dre nuaindre

Monso chi rükadre ni ngäbiti jukwete ye ngwane dre nuaindre

Monso chi rükadre ni ngäbiti jukwete ye ngwane, nikwe rün aune meye ngwandretari ie, ye erere nikwe nuaindi ngwane nitre rüne ye ütiäte ni kräke nikwe bämikai (Pr 6:20). Monso chi yekwe ni kärädre käteri ngwane, ni ñaka rikadre käteri. Nitre rüne ñan raba blite nibe ngwane, ni rikadreta köbö madate känti.

Monso niena ünä akwa, nikwe rün aune meye ngwandretari ie. Nitre rüne ñaka raba blite nibe, akwa raba monso kwe tuenmetre ñäke täräbätä ye nikwe ngwandretari ietre. Jän niedre kwetre ngwane, ni raba tärä o täräkwata bien monso yei o kukwe känändre kwe jw.org yete ye nikwe driere ie.

Monso tö kukwe mikai gare bäri jai yekänti ni rikadreta ngwane, ni tö blitai rün aune meyebe nikwe niedre ie. Nikwe ja tuadre rün aune meyebe ngwane, ñokäre nita näin monso kwe yekänti ye nikwe niedre ietre aune Biblia tä kukwe kwin niere nitre ja mräkäre kräke ye nikwe kädriedre bentre (Sl 119:86, 138). Nita nitre rüne aune meyere mike ütiäte jai ye ngwane blitai kwin nibätä aune köbö mada ngwane ni raba kukwe kwin ye driere nitre ja mräkäre ye jökrä ie (1Pe 2:12).