Ja nire ye jondron ütiäte krubäte biani ngwarbe nie. Nita ja ngwen ño yebiti nita bämike tuin ütiäte nie o ñakare. Jondron nuain gare nie yebiti ni testiko Jehovakwe tä ja di ngwen Jehová ja nire bianka nie ye mike ütiäte krubäte jai (Sl 36:9; Rev 4:11). Akwa, mantre jetebe kukwe keta kabre tä ni ngwen töbike. Ye raba ni töi mike sribi Ngöbökwe ye ñaka mike nuaindre käne jai (Mr 4:18, 19). Yebätä, ni jökrä rabadre kukwe ne ngwentari jai: “¿Tita jondron bäri kwin tikwe bien Jehovai? (Os 14:2). Ja tötika kwela krite aune sribi, ¿ye tä ti mike ja kete ño Jehovabe? ¿Sribi meden kukwe ja üairebiti tikwe dianina nuaindre jai? ¿Ñokänti ti raba kukwe driere bäri?”. Ni raba sribire bäri Jehová kräke rabadre ruin nie ngwane, nikwe ja di kärädre ie aune nikwe ja töi ükadrete kukwe ruärebätä. Erametre, nita Jehová käikitekä mantre jetebe ngwane, jata nemen ruin kwin nie aune kätä nemen juto nibätä (Sl 61:8).

¿Dre nuain gare nie yebiti nita jondron nuainne nire kräke?

VIDEO DRE NUAIN GARE NIE YEBITI SRIBIDRE JEHOVÁ KRÄKE YE MÄKWE TUA, BITI MÄKWE KUKWE NGWANTARITA NE MIKA GARE:

  • Dre dre nuain gare nie yebiti nikwe jondron nuaindre ni kä nebätä gobrainta Satanakwe kräke, ¿ye ñobätä ñaka kwin jire? (1Jn 2:17).

  • Nita jondron bäri kwin nikwe ye bien Jehovai ngwane, ¿dre dre kwin tä nemen nikwe?

  • Jondron nuain gare nie yebiti, ¿ni tö sribi meden nuain köbö täte Ngöbö kräke?