Känändre nekänti

Indice yete känändre

 KUKWE ÜTIÄTE BIBLIABÄTÄ | HECHOS 6-8

Konkrekasion kristiana ükaninte mrä ye ja tuani kukwe tare ben

Konkrekasion kristiana ükaninte mrä ye ja tuani kukwe tare ben

6:1-7; 7:58–8:1

Meritre kän muko krütani blitaka kukwe griegore yebiti abokän ja ngökani krire ñöte kwetre aune nikanintre nüne Jerusalén ye kitate nämäne. ¿Kukwe ñaka kwin nuain nämäne bätätre yekwe niaratre ngoto ngwani ritete? O ¿Jehovakwe kukwe ye ükadrete ye ngübabare bätärekä kwetre?

Esteban murie ketani jäbiti aune nitre jatani ja mike nitre kristiano Jerusalén rüere ye ngwane, niaratre kwati nikani Judea aune Samaria yete. Akwa, ¿ye aibätä niaratre ñaka kukwe driebare jankunu kä jutobiti?

Jehová diebiti, nitre kristiano konkrekasion ükaninte mrä yete ye käkwe kä ngwani nüke jai kukwe tare yebiti ta, niaratre jatani bäri kwati aune nämänentre ja dimike kwärikwäri (Hch 6:7; 8:4).

KUKWE NE NGWENTARI JAI: “¿Tita ja tuin kukwe tare ben ye ngwane, tita ja töi mike ño?”.