Känändre nekänti

Indice yete känändre

 KUKWE ÜTIÄTE BIBLIABÄTÄ | 2 CORINTIOS 7-10

Nita nitre dimike kukwe tare ye näire

Nita nitre dimike kukwe tare ye näire

8:1-4; 9:7

Sribi ketebu tä mikani ni kristiano kisete: 1) “ni jökrä käkwe ja mäkädreta Ngöböbe, ye [...] mikadre gare” o kukwe driedre bätä ni mada tötikadre, aune 2) ‘juta deme Ngöbökwe die mikadre’ o ja mräkätre mada dimikadre kukwe tare ye näire (2Co 5:18-20; 8:4). Ye medenbätä, ni kristiano tä ja di ribere ye nita dimike ngwane, nita sribi deme nuainne arato aune ye köböire kukwe ne tä nemen bare:

  • Ja mräkätre tä dre dre ribere jai ye nita bien ietre (2Co 9:12a)

  • Ja mräkätre käkwe ja tare nikabare ye nita dimike sribi ja üaire nuainkäreta, ñodre, nita dimike kukwe driere kä jutobiti aune yebiti tätre debe bien Jehovai ye raba bämike (2Co 9:12b)

  • Jehová käikitakata (2Co 9:13). Nita ni mada dimike kukwe tare ye näire ngwane, nitre tä ja mike ni testiko Jehovakwe rüere yei kukwe kwin mikata gare Ngöböbätä arato