Känändre nekänti

Indice yete känändre

 NITA JA NGWEN ÑO

Nikwe nändre deme Kristo jiebiti

Nikwe nändre deme Kristo jiebiti

Jesús ja ngwani ño ye erere ni rabadre ja ngwen, metrere ni nuateta o ja mikata ni rüere ye ngwane (1Pe 2:21-23). Ñäkäbare tare ie angwane, ñaka ñäkäbare tare kwe ja dokwäre, nämäne ja tare nike ye ngwane ñaka nuainbare kwe arato (Mr 15:29-32). ¿Dre käkwe niara dimikani kä ngwen nüke jai? Töi nämäne kwatibe Jehová töi nuainbätä (Jn 6:38). Arato, ja töi mikani kwe “kä juto mikani niara käne yebätä” (Heb 12:2).

Kukwe mikata täte nikwe yebätä ñäkäta tare nie o ni nuainta tare ye ngwane, ¿nita dre nuainne? Ni mada tä kukwe käme nuainne ni kristiano metre yebätä angwane, ni “ñan kukwe nuenta käme btä ja dokwäre” (Ro 12:14, 17, Kukwe Kuin Ngöbökwe, [WBT]). Nita kä ngwen nüke jai Jesús erere angwane, kätä nemen juto nibätä ñan ñobätä aune Ngöböta ni kain ngäbiti (Mt 5:10-12; 1Pe 4:12-14).

VIDEO JEHOVÁ KÄ RABADRE BÄRI ÜTIÄTE YE MÄKWE TUA, BITI MÄKWE KUKWE NGWANTARITA NE MIKA GARE:

  • Gertrud Poetzinger nämäne kitani ngite ye ngwane, ¿kä dianinkä kwe jai dre nuainkäre?

  • Gertrud Poetzinger aune muko kwe nämäne ngite käi jene jene yete ngwane, ¿kukwe meden medenbätä kä ngwani nüke kwetre jai?

  • ¿Dre käkwe niaratre dimikani kä ngwen nüke jai?

Nita ja tare nike ye ngwane, nikwe ja ngwandre Kristo erere.