Känändre nekänti

Indice yete känändre

 NITA JA NGWEN ÑO

Mäkwe diri bäri kwin: nikwe video yebiti kukwe metre driedre

Mäkwe diri bäri kwin: nikwe video yebiti kukwe metre driedre

ÑOBÄTÄ ÜTIÄTE.

Nitre tä video tuin aune kukwe nuin ye ngwane tä mate bäri kwin brukwäte. Yebätä nitre okwäta nemen kwekebe video yete aune kukwe ye tä neketete bäri raire töite. Jondron mikadre tuadre dirikäre ye Jehovakwe bämikani kwin krubäte (Hch 10:9-16; Rev 1:1).

Video ¿Ngöbö ye kä tärä?, ¿Nirekwe Biblia sribebare? aune Biblia tä kukwe metre niere, ¿ye ñobätä ni rabadre tö ngwen ie? ye tä kukwe ja tötikara 2 aune 3 täräkwata Kukwe kwin yebätä ye mike gare bäri. Video ¿Ñobätä ja tötikadre Bibliabätä?, ¿Nunta nitre tötike ño Bibliabätä? aune ¿Gätä nuainta ño nunkwe? yekwe nitre töi mikai ja tötike nibe aune niken gätäbätä. Ne madakäre, nita nitre tötike Bibliabätä ye ngwane ni raba video ruäre mike tuare ietre (km 5/13 pág. 3).

NUAINDRE ÑO:

  • Mäkwe video meden mikai tuadre ni gwi ie ye mäkwe dianka känenkri.

  • Mäkwe kukwe ükate keteiti o ketebu ngwantarikäre ie aune kukwe ye mikadre gare video yete.

  • Munkwe video ye tua jabe.

  • Kukwe meden bäri ütiäte ye munkwe kädrie.

MÄKWE NE NUAIN:

  • Mäkwe täräkwata kia ye mika tuadre trökri aune código video ¿Ñobätä ja tötikadre Bibliabätä? tuakäre ye mäkwe drie ie.

  • Mäkwe video Biblia tä kukwe metre niere, ¿ye ñobätä ni rabadre tö ngwen ie? ye mika tuare biti mäkwe täräkwata Kukwe kwin ye drie. Mäkwe kukwe ja tötikara 3 yebätä blita.