1. Kukwe ngwantarita jatäri tä jükani drüne yebätä mäkwe ñäkä ne kwe kukwe meden bäri ütiäte yebätä nitre ja töi mikadre.

  2. Mäkwe ñäkä párrafo yebätä.

  3. Texto tä tikani cursiva yebätä mäkwe ñäkä, aune mäkwe töbika kwin kukwe mada ngwantarikäre kukwe ngwantarita tä jükani drüne ye mikakäre gare Bibliabiti.

  4. Kukwe ngwantarita ye kräke párrafo mada tärä angwane, kukwe 2 bätä 3 nieta ye erere mäkwe nuain. Internet jw.org yete video meden tä kukwe ngwantarita ye mike gare angwane, munkwe ja tötika ye ngwane munkwe mika ñärärä.

  5. Kukwe ngwantarita ye mäkwe mikamana gare ni yei, ye köböire kukwe ye nüke gare ie o ñakare ye rabai gare mäi.