Känändre nekänti

Indice yete känändre

 NITA JA NGWEN ÑO

Nikwe kä ngwandre nüke jai kukwe ye ngübakäre jankunu

Nikwe kä ngwandre nüke jai kukwe ye ngübakäre jankunu

¿Gobran Ngöbökwe jatadre ye mäkwe ngübabarera kä nuäi te? ¿Kukwe tare yebiti ta mätä kä ngwen nüke jai jankunu? (Ro 8:25). Nitre kristiano ye ruäre kräke ja brukwä mikata, nuainta tare, kitata ngite o murie keta töta nemen arato. Mada abokän niena umbre o tätre ja tare nike bren kisete.

¿Nikwe dre nuaindre kukwe ye ngübakäre jankunu aune kä ngwankäre nüke jai kukwe ñokwa yebiti ta? Nikwe ñäkädre Bibliabätä aune töbikadretaribätä tödeka nikwe ye mikakäre dite mantre jetebe. Nikwe ja töi mikadre kwatibe kukwe käbämikata nie yebätä (2Co 4:16-18; Heb 12:2TNM). Aune nikwe oradre Jehovai bätä ja di biandre kwe nie üai deme yebiti ye nikwe ribedre ie (Lu 11:10, 13; Heb 5:7). Ni Rün ni tarekä ni dimikai kä ngwen nüke jai jankunu kukwe jökrä yebätä aune kä jutobiti (Col 1:11TNM).

VIDEO NIKWE NIADRE JANKUNU: NIKWE JONDRON ÜTIÄTE GANAINDI YEI TÖ NGWANDRE YE MÄKWE TUA, BITI KUKWE NGWANTARITA NE MÄKWE MIKA GARE:

  • ¿Kukwe meden ni ñaka ngübare abokän raba nemen bare nibätä? (Ec 9:11).

  • ¿Orasion ye tä ni dimike ño ja tuakäre kukwe tare yebe?

  • Ni ñaka raba sribire krubäte Jehová kräke ni nämä nuainne käne ye erere ngwane, ¿ñobätä nikwe ja töi mikadre kukwe nuain raba nikwe yebätä?

  • Mäkwe ja töi mika kwatibe jondron ütiäte ganaindi yebätä.

    ¿Dre tä mä dimike tö ngwen jankunu mäkwe jondron ütiäte ganaindi yei?