Känändre nekänti

Indice yete känändre

 KUKWE ÜTIÄTE BIBLIABÄTÄ | MATEO 14, 15

Jesukwe nitre braibe mikani nitre kwati buke

Jesukwe nitre braibe mikani nitre kwati buke

Pascua kä 32 ye känenkri, Jesús jondron ñan tuabare nuainbare ye kädekateta tärä Mateo, Marcos, Lucas aune Juan yebätä.

Jesukwe nitre braibe mikani nitre kwati buke ye erere tä ni buke kä nengwane kukwe ja üairebiti.

14:16-21

  • Nitre ja tötikaka yei Jesukwe niebare rabadre nitre kwati ye buke ban krärike aune gwa kia krobu aibe nämene kwetre yebiti.

  • Jesús ban aune gwa krobu ye diani kisete, biti orabare kwe aune biani kwe jene jene nitre ja tötikaka ben yei. Niaratre abokän käkwe döräibare nitre kwati yebiti.

  • Mrö namani kwetadre krubäte nitre ie ye jondron ñan tuabare namani bare. Jesukwe nitre braibe mikani nitre kwati ye buke.

  • Jesukwe niebare kä krüte yete niarakwe nitre braibe diainkä mrö ja üaire biankäre “kätä nüke ye näre te” (Mt 24:45).

  • Kä 1919 ye ngwane, Jesukwe “ni klabore ie tö ngwan raba bätä töbätä” ye kädekani “nitre gwi” ye bukakäre. “Ni klabore ie tö ngwan raba bätä töbätä” ye abokän Nitre Braibe Konkrekasion Jökrä Ngübabitikä aune “nitre gwi” ye abokän nitre kristiano jökrä ie mrö ja üaire bianta.

  • Jesukwe nitre bukani ño siklo kena yete ye erere tä nuainne Nitre Braibe Konkrekasion Jökrä Ngübabitikä yebiti kä nengwane.

Jesukwe nitre kädekani ni bukakäre kukwe ja üairebiti ye tita kain ngäbiti aune mike täte, ¿ye ti raba bämike ño?