Känändre nekänti

Känändre página mada yekänti

Indice yete känändre

Testiko Jehovakwe

ngäbere

Nita Dirire aune Ja Ngwen Ño Kukwe Ja Jie Ngwankäre Gätäte  |  Febrero 2017

 NITA JA NGWEN ÑO

Nikwe sribidre kwin tärä aune täräkwata sribeta yebiti

Nikwe sribidre kwin tärä aune täräkwata sribeta yebiti

Jesús niebare: “Munkwe jondron ne kani ngäbiti ngwarbe, angwane bian ngwarbe arato munkwe” (Mt 10:8, Ngöbö Täräe [NGT], tärä okwä ükaninte). Nita kukwe ye mike täte yebätä ni ñaka Biblia, tärä aune täräkwata ye rürübäine nitre ie (2Co 2:17). Akwa tärä aune täräkwata yebätä kukwe metre Bibliabätä ütiäte krubäte ye tä tikani. Ne madakäre, ngwian kitakata krubäte aune sribita krubäte tärä aune täräkwata ye imprimikäre aune juankäre konkrekasion kä jökräbiti tibien yete. Yebätä, tärä aune täräkwata meden medenbiti nikwe diridi ye aibe ni rikadre ngwena jai.

Mäkwe töbika kwin käne tärä aune täräkwata biankäre nitre ie, mätä kukwe driere nitre jökrä ngwärekri ye ngwane, mäkwe töbika kwin käne tärä biankäre arato (Mt 7:6). Ñaka tärä aune täräkwata bian jerekäbe ni itire itire kite ta yei, ñakare aune, mäkwe blita bentre töita bökän kukwe mikabätä gare jai o ñakare ye mikakäre gare jai. Kukwe ngwantarita recuadro yekänti ye tä nuainne o ñakare yebätä mäkwe töbika. Nitre ñan tö kukwe mikai gare bökän jai raba tuin mäi ngwane, mäkwe täräkwata kia ye bian ie. Akwa nire käkwe tärä o täräkwata kärädre nie ye ngwane, nikwe biandre ie (Pr 3:27, 28).