Känändre nekänti

Indice yete känändre

 KUKWE ÜTIÄTE BIBLIABÄTÄ | ISAÍAS 58-62

Jehovakwe “jondron kwin nuaindi kä kwati te” ye nikwe mikadre gare

Jehovakwe “jondron kwin nuaindi kä kwati te” ye nikwe mikadre gare

Jehovakwe “jondron kwin nuaindi kä kwati te” ye abokän ñaka kä kwati metre ye ai gärätä

61:1, 2

  • Jehová tä kä bien nitre töi jäme ie ne kwe kukwe kwin mikata gare ye kadre ngäbiti kwetre.

  • Siklo kena yete, “jondron kwin nuaindi kä kwati te” ye kömikani kä 29 yete, Jesús jatani kukwe driere ye ngwane, aune kä ye mikani krüte “köbö te [Jehovakwe] ja ngie mika[ni]” juta Jerusalén ganinte kä 70 yete ye ngwane.

  • Ni näire, “jondron kwin nuaindi kä kwati te” ye kömikani Jesús mikani reire kä kwinbiti kä 1914 yete ye ngwane, aune mikai krüte ja tare nikadi kri ye ngwane.

Jehová tä “kri krikri kukwe metre kräke” yebiti juta kwe dimike

61:3, 4

  • Kri mente kwinkwin ye tä nirien gwairebe aune tä nemen kä tokwäre, ye köböire kri ye tä ja mike dite kwärikwäri.

  • Ngätri krikri yei jata nakain kwärikwäri aune murie tä mate dite krubäte ye ngwane kri ye ñaka niken tibien jire.

  • Kri bäri mente kwin ye tä kri kia täninta ye kriemike, aune kri ye käta näkäin tibien ye tä dobro mike kwin.

“Kri krikri kukwe metre kräke”, ye abokän, nitre dianinkä nänkäre kä kwinbiti täbe Kä tibienbätä tätre ja mräkätre konkrekasion kristiano kä jökräbiti tibien ye dimike aune kriemike.