Satanakwe ja mikai ni rüere ne kwe nikwe ñaka kukwe driedre nieta Bibliabätä (Jn 15:20; Rev 12:17). ¿Ni etebatre rüere ja mikata ye ni raba dimike? Jän, nikwe oradre kräketre. Ni kukwe kwin nuainkä tä orare ja brukwä tätebiti ye tä ni mada dimike nieta Bibliakwe (Snt 5:16).

¿Nikwe dre ribedre orasionte? Ni etebatre yebätä kä jürä ñaka rabadre nikwe ribedre orasionte Jehovai (Isa 41:10-13). Gobrantre ni tuanemetre kukwe driere aune “nikwe nünandre kwekebe aune kä titibebiti” ye nikwe ribedre orasionte arato (1Ti 2:1, 2, Ngöbö Täräe, tärä okwä ükaninte).

Pablo aune Pedro rüe nakaninkä ye ngwane, nitre kristiano orabare kräketre aune kädekaninte kwetre orasionte (Hch 12:5; Ro 15:30, 31). Ni etebatre rüere ja mikata ye kä ñaka gare jökrä nie, akwa tätre konkrekasion medente, tätre nüne juta medente o kä medenkänti ye nikwe kädekadrete orasionte.

Etebatre rüere ja mikata kä jene jene känti kräke mä tö oradi ye tike.