Känändre nekänti

Indice yete känändre

 NITA JA NGWEN ÑO

Meri Lotkwe ye munkwe ngwan törö jae

Meri Lotkwe ye munkwe ngwan törö jae

Lot muko nämäne ngitie Sodoma yebätä angwane, ¿ñobätä nikrabare kwe ja jiebiti? Biblia ñaka niere jire (Gé 19:17, 26). Akwa Jesús blitabarebätä ni mikakäre mokre yebätä nikwe töbikadre ngwane, meri ye jondron tuanimetre yebätä ja töi mikaninta kwe, aisete nikrabare kwe ja jiebiti ni raba niere (Lu 17:31, 32). Ngöbökwe ñaka Lot muko ye kani ngäbiti jankunu. ¿Nikwe dre nuaindre ne kwe ye ñaka rabadre bare nibätä? Nikwe ñaka jondron kä nebätä ye mikadre bäri ütiäte jai (Mt 6:33). “Ni ñan raba ja töi mike kwatibe sribire Ngöbökrä, ja töi mikare kwatibe ngwian ganankrä kwärä jae” driebare Jesukwe (Mt 6:24). Akwa, ni törbadre ja tuai jondron bökäne yebätä kä ñaka rabadre nie sribi ja üaire nuainkäre ye nikwe gadre ngwane, ¿nikwe dre nuaindre? Kukwe medenbätä nikwe ja töi kwitadre ye nikwe mikadre gare jai. Arato Jehovakwe ja di biandre nie aune ni töi mikadre kwe ja töi kwiteta ye nikwe ribedre orasionte ie.

VIDEO KETAMÄ KÄDEKATA MERI LOTKWE YE MUNKWE NGWAN TÖRÖ JAE YEBÄTÄ KUKWE NGWANTARITA NE MÄKWE MIKA GARE:

  • ¿Tita Lot muko ngwen törö jai ye ti raba bämike ño?

    Gloria töi mika nämäne krubäte ngwian ganainbätä, ¿ye köböite niara jatani töbike ño, blite drebätä aune ja ngwen ño?

  • Kukwe namani bare Lot muko yebätä, ¿ye tä dre driere ja töi kräke nie?

  • Kukwe Bibliabätä ja jie ngwankäre, ¿yekwe José bätä mräkätre kwe ye dimikani ño?

  • Ana namani ja kete nitre sribikä ben, ¿ye köböite namani ño kukwe ja üairebiti?

  • Ni töi mikata ngwian mike bäri ütiäte jai ngwane, ¿ñobätä ja di ribeta krubäte ñaka nuainkäre?

  • ¿Victor aune Gloria dre nuainbare ne kwe sribi Jehovakwe ye rabadreta bäri ütiäte kräketre?

  • Kukwe Bibliabätä ni jie ngwankäre, ¿ye meden medenbätä blitata bäri video yebätä?