-ˈYe ka nʋn...

  • Ɲɔnsoa?

  • -glɔɲiɔn-?

  • ɲɔn -dhee -ˈnɔɔn?

 DHƐ BIIBLƲ ˈTMƲAN Ɛ KA

‘ˈKmʋn nʋn anˈ klɛɛ -nɩɛn- ˈe ɲɔnsaʋn- ˈkwa.’—1 Zan 5:19, ˈˈDuudɩ Dheeˈ Sɛɛ-.

‘Ɲɔnsoa aˈ ˈˈJhu jhiˈ -wɛeˈ ɔ ˈye ɲɔnsaʋn- ɔnˈ nʋʋndhɩ ˈˈjhai gba.’—1 Zan 3:8.

-BHO DE GHLU NƲN -GWLƖˈˈ Ɛˈ, DHƖ -ˈYEA ˈO ˈJHEE-

Dɩ ɲɔn ɔn ˈjhea da ˈbhlʋa- ˈˈkpe ɛ, ɩanˈ -bo ɔˈ iˈŋwɔɛn-.—Gbɔˈwlʋdhɩ- 12:12.

-Ka ˈkmʋn nʋn an muan ˈdhɔɛeˈ ˈmʋn -nɩn ˈdhe -dheˈbhɔɔ -nɔnˈˈ ɔn, ɛɛˈ -pɛɛ ˈˈɩ-tbhaa.—1 Zan 2:17.

 DHƐ BIIBLƲ ˈTMƲAN AN, -A -ˈBHEƐˈ -A -ˈYEƐ -GWLƖˈˈ DE ˈJƐƐN-?

Ɛɛn, dhɩ aˈ kpɛ taan nɩn anˈ dɩ:

  • Satan anˈ ˈkmʋn ˈbhleɛ- ɛ muɛn igwɛ-. Zoova a ˈbɔn ɔ ˈye Satan anˈ ɲʋnˈbhleɛ- i -ɲnaan ˈjɛɛn-. Ɔ cɛn ɛnˈ ghlu ˈmɛn. Ɔ ˈnaan ɔɔ muɛn Ɲɔnsaʋn- Satan i-za ˈˈdhe dhɩ aˈ klɛɛ ɔ ˈkɔa ɔ ˈyɩ ˈkpa po. —Eble 2:14.

  • Zezi -mɔn Ɲɔnsoa de sʋn ˈˈkpe -ɔ -ˈye ˈbhlʋa- ˈbhle. ˈDhiŋwɔɲniɛn- -e ˈˈjɛ ɛˈ dɩ -ziɛ- nɩan ˈe ˈkmʋn nʋn anˈ ɲʋnbhlei ˈmʋn ɛn, ɩn se ˈe Zezi ˈmʋn -nɩn. -Da Ɲɔnsoa a ˈtmʋan Zezi ɔˈ ˈbheɔdhɛ- ɛˈ dɩ ɛ, ɔ ˈnaan: “Ɲɔn ɲʋn an bhlaa bhɩ -e -jɔn sea dhɛ ˈbhle ɛ, ɔɔ muɛn ʋaˈ -ghwɛe- ˈjhe- [...] Ɔɔ muɛn ʋaˈ ˈkmʋn zeie- ˈdhe bhlati -e ɲʋn ˈkle ˈˈduɛ- ˈkwa.”—Psaume 72:13, 14.

  • Ɲɔnsoa aˈ ˈtmʋn sɩ. Biiblʋ ˈˈsii dhi ʋn yɩ ˈtmʋn. Ʋn ˈnaan: ‘Ɲɔnsoa se ˈbhɛɛ- ɔ ˈye sɩ ˈtmʋn.’ (Eble 6:18) -Bho Zoova ˈnaan dhɛ ˈye -nʋɛn- ɛnˈ, ɛɛ nʋʋɛnˈ ˈˈkpɔkpɔ! (Isaïe 55:10, 11) ‘ˈKmʋn nʋn anˈ ˈˈdhrujhei- ɔ muɛn ˈzɔn -pooɛ-.’—Zan 12:31..

 -NAAN TƆˈ I

Ɲɔn ˈkmʋn nʋn nɩan ˈe ˈkwa a, -da ɔɔ muan i-zaa a, ka ˈkmʋn an mun nɩn- ˈbho ɛ ˈdhe -ɛ?

Biiblʋ a za ˈe dɩ nɩn ˈmɛn ˈdhe PSAUME 37:10, 11 ɛmɛn- -e GBƆˈWLƲDHƖ- 21:3, 4 ˈdhi.