Aller au contenu

Aller au sous-menu

Aller au sommaire

Jeova Siedinba

Gulmancema

U laabaaliŋamu yua ñani U Tienu kani!

 CAGILI 14

Be ya po ke U Tienu gobidi ki taani o niba?

Be ya po ke U Tienu gobidi ki taani o niba?

1. Be po ke U Tienu den gobidi ki taani isaleli buolu niba?

U Tienu den gandi Abalahama yaabila ke bi tua O nicelenba ki puniba o ñoanianu, ki go yini ba isaleli. Bani den ba diidi i moamoani jaanma n da goli, nilo ba kuli n da lebidi U Tienu maama. (Pisoma 147:19-20) Yeni, ŋanduna nibuoli kuli den ba fidi ki ba ŋalibalika kelima isaleli yaa po.—Cogi mani Mi Cilima 22:18.

U Tienu den gandi isaleli buolu niba, ki bua bani n tua o siedinba. Bi labaalo todi-ti tin bandi U Tienu ŋoadima n ba fidi ki ŋanbi ti yema maanma. (Mi Tiadima 4:6) Lani n cedi ke buoli toaba niba moko ba fidi ki bandi U Tienu moamoani cain leni isaleli buolu yaaba.—Cogi mani Isayi 43:10, 12.

2. Be po ke U Tienu gobidi ki taani i moanoani Kilisiti niba?

A bina n pendi, isaleli den yie U Tienu ki luo o ŋalibalika. Ke o cedi ke Kilisiti nitaanli niba ga bi kaanu. (Matiyu 21:43; 23:37, 38) I moamoani Kilisiti niba n ga kpiama isaleli kaanu, ki tua Jeova siedinba.—Cogi mani Jesu Tondiba Tuona 15:14, 17.

Jesu gobidi ki taani o ŋoadikaaba ban kpaani O labaaliŋamu, ki go todi buoli kuli niba ban tua O ŋoadikaaba. (Matiyu 10:7, 11; 24:14; 26:19-20) Tin ye ŋanduna juodima dana yeni, laa tuonli moko juodima nagini. Jeova cedi ke nibuoli kuli yaaba n yabi, taani bi yaba i moamoani jaanma nni. Laa tuonli buolu naa den kpa tieni ba. (Mi Doagidima 7:9, 10) U Tienu taani moamoani Kilisiti niba, ke bani n ya todi yaba, ki go paagidi bi yaba paala. Ŋanduna kuli nni, bani n bangi yaala a taani diena nni kuli tie maayenma.—Cogi mani Ebilunba 10:24, 25.

 3. Dinli-dinla Jeova siedinba ŋanduna nitaanli kili lede?

1870 binla, yaa niba n kaa den fu den taagi yaba ki cogi Bibili. Bi bandi Bibili moamoani maama tiama fuuli. Ki nan soa ki bi niba den ŋa laa bangima ŋali yaa yogunu n waagi. Bi bandi ke Jesu n kaani Kilisiti niba taanli u labaaliŋamo kpaanma ya po. Yeni yapo ke bi bogini u labaaliŋamu kpaanma tuonli ŋanduna kuli nni. 1931 binla bi taa li yeli ke Jeova siedinba.—Cogi mani Jesu Tondiba Tuona 1:8; 2:1, 4, 11; 5:42.

4. Jeova siedinba gobidi ki taani bi yaba lede?

Mi cilima Kilisiti niba yogunu bi den pia a tonda leni bi nikpeliba ke bi den ye Jelusalema ki diidi a nitaana yaaba n den ye i kaani kuli. Laa niba den tuo ki ga ke Jesu n tie a nitaama yeni kuli yudaano. (Jesu Tondiba Tuona 16:4, 5) Dinli-dinla moko Jeova siedinba pia liiga yaaba, ke bi tie gobidikaaba yaaba n pia mi banma. Bani n diidi Jeova siedinba biilo tuona, ki todi ke bi ñandi Bibili tila mi bangima po. Ki go lebidi laa tila leni i maabuoli yii n pundi 600 ki puuni bi niba. Lani n cedi ke bi fidi ki waani U Tienu ŋoadima a nitaana yaaba n pundi 100000. Ki go puuniba li dandanli papaali. Nitaanli kuli nni, bi gandi bi jaba yaaba n pia li bontogidikaŋanli ke bi tie bi nikpeliba leni bi gobidikaaba. Bani n kubi U Tienu niba leni mi buama.—Cogi mani Pieli Tikpiali 5:2, 3.

Jeova siedinba gobidi ki taani bi yaba ŋama ki kpaani u labaaliŋamu, ki go todi bi niba n tua Jesu ŋoadikaaba. Ti yen kpaani diegu-diegu nani nani a tonda yeni, ti ki tie ŋanduna nitaanli bebe ka. Ti tie nani dieyengu niba ke Jeova tie ti ba yua n bua-ti. Ti kuli tie nataanbila ki bua ti yaba po yaala n ŋani. (Tesalonika Tilieli 1:3) Jeova niba pia li paamanli, kelima bi gobidi ki taani bi yaba ŋama. Ki go todi ni toaba.—Cogi mani Pisoma 33:12; Jesu Tondiba Tuona 20:35.