Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Plitẹnhọ Ahọluduta Tọn 3 000 Ko Yin Gbigbá to Nigéria

Plitẹnhọ Ahọluduta Tọn 3 000 Ko Yin Gbigbá to Nigéria

To samedi 1er mars 2014, gbẹtọ 823 he gọ́ na ayajẹ wẹ pli to Plitẹnhọ Plidopọ tọn Kunnudetọ Jehovah tọn lẹ tọn mẹ to Benin City nado dohiagona nujijọ ayidego tọn de to Nigéria. Sọn 1999, to whenue tito Plitẹnhọ Ahọluduta tọn gbigbá to otò wamọnọ tọn lẹ mẹ bẹjẹeji, Kunnudetọ Jehovah tọn lẹ ko gbá Plitẹnhọ Ahọluduta tọn 3 000 to otò enẹ mẹ.

Jẹnukọn

To opli lọ tẹnmẹ, mẹplidopọ lẹ sèhó gando vivẹnu he nọ yin dido nado wleawuna nọtẹn opli tọn na agun lẹ to Nigéria sọn owhe 1920 lẹ mẹ go. To bẹjẹeji, owhé lẹ po nọtẹn he yin hihaya lẹ po wẹ nọ yin yiyizan. To nudi 1935 wẹ nọtẹn de wá yin gbigbá to Nigéria to tòdaho Ilesa tọn mẹ bo nọ yin yiyizan na opli Kunnudetọ Jehovah tọn lẹ tọn kẹdẹ. To 1938, agun 14 poun wẹ tin, ṣigba to 1990 sọha yetọn ko yì 2 681, podọ e nọ vẹawuna susu yetọn nado mọ nọtẹn opli tọn de. To fidelẹ, agun ṣidopo nọ zan Plitẹnhọ Ahọluduta tọn dopo. To fidevo lẹ, mẹhe nọ wá opli lẹpo ma sọgan nọ ohọ̀ lọ mẹ, mẹdelẹ gbọ bo nọ nọte to kọho bo nọ dotoaina opli lẹ gbọn fleṣenu. Podọ to ojlẹ enẹ dopolọ mẹ, agun devo lẹ gbẹ́ nọ pli do owhé lẹ gbè kavi to wehọ lẹ mẹ.

Whenue e yin vivọgbá godo

To 1990, wekantẹn alahọ Kunnudetọ Jehovah tọn lẹ tọn jẹ alọgọna agun lẹ ji nado gbá plitẹnhọ lẹ gbọn akuẹ yinyan na yé sọn Akuẹ-bẹpli Plitẹnhọ Ahọluduta tọn mẹ dali. To 1997, Wedegbẹ́ Họ̀gbigbá Tòpọnla tọn ko gọalọna agun 105 nado gbá plitẹnhọ yetọn lẹ kavi nado vọ́ yé jlado. Sọn 1997 jẹ 1999, plitẹnhọ 13 wẹ yin gbigbá, bọ plitẹnhọ dopo gbigbá nọ yí azán 7 yì 15.

Na sọha Kunnudetọ Jehovah tọn he to Nigéria lẹ tọn fọ́n bo to jijideji wutu, plitẹnhọ lẹ gbigbá to azán kleun mọnkọtọn mẹ ma tlẹ pé na yemẹpo nido mọ nọtẹn opli tọn de. To avril 1998, wekantẹn alahọ tọn mọdọ nuhudo Plitẹnhọ Ahọluduta tọn 1 114 gbẹ́ tin to otò lọ mẹ.

To opli vonọtaun he yin bibasi to Benin City lọ whenu, Don Trost he yin dopo to hagbẹ Wedegbẹ́ Alahọ Nigéria tọn lẹ mẹ dọna mẹplidopọ lẹ dọmọ: “Azọ́n pligidi de wẹ dona wiwà! Mí kanse míde dọ, ‘Nawẹ mí sọgan wà ẹ gbọn?’” Kanbiọ enẹ jẹ gblọndo mọ ji bẹsọn 1999, to whenue Pipli Plitẹnhọ Ahọluduta Tọn Gbigbá Tọn he bẹ hagbẹ ṣidopo jẹ ṣinatọ̀n hẹn lẹ jẹ alọgọna agun lẹ ji to otò lọ blebu mẹ. Gbọn tito họ̀gbigbá tọn he ma gẹdẹ lẹ hihodo dali, yé gbá madozẹnzẹn plitẹnhọ 17 tọn to osun dopodopo mẹ to owhe 14 he wayi lẹ gblamẹ.

To whenue Mẹmẹsunnu Trost ko pà mẹplidopọ lẹ na nuhe yin wiwadotana lọ godo, e dohia dọ nususu gbẹ́ dona yin wiwà. To 2013, hugan wẹnlatọ 8 000 wẹ jẹ sọha Kunnudetọ Jehovah tọn lẹ tọn ji to Nigéria. E dọmọ: “Na sọha wẹnlatọ lẹ tọn na fọ́n bo to jijideji wutu, Plitẹnhọ Ahọluduta tọn 100 devo lẹ dona nọ yin gbigbá to whemẹwhemẹ.” To 2013, Kunnudetọ 351 000 wẹ to sinsẹ̀n to Nigéria to agun 5 700 mẹ.

Plọnnu Dogọ

Nawẹ Plitẹnhọ Ahọluduta Tọn He Kunnudetọ Jehovah Tọn lẹ Nọ Zan lẹ Nọ Yin Gbigbá Gbọn Podọ Etẹwutu?

Naegbọn nọtẹn sinsẹ̀n-bibasi tọn mítọn lẹ nọ yin yiylọdọ Plitẹnhọ Ahọluduta tọn lẹ? Plọn nususu dogọ gando lehe ohọ̀ jlẹmẹ ehelẹ nọ gọalọna agun mítọn lẹ do go.

Naegbọn Kunnudetọ Jehovah Tọn lẹ Nọ Ylọ Fihe Yé Nọ Pli Do Dọ “Plitẹnhọ Ahọluduta Tọn”?

Pọ́n fie hogbe lọ “Plitẹnhọ Ahọluduta Tọn Kunnudetọ Jehovah Tọn lẹ Tọn” wá sọ́n po nuhewutu mí do nọ yí hogbe enẹ zan po.