Yì hosọ lẹ ji

Yì hosọ flinflin lẹ ji

Kunnudetọ Jehovah Tọn Lẹ

Gungbe

Kunnudetọ Jehovah Tọn lẹ to Hongrie Yin Pipà Na Yé Gọalọ Nado Hẹn Kọgbọ Wá to Singigọ de Whenu

Kunnudetọ Jehovah Tọn lẹ to Hongrie Yin Pipà Na Yé Gọalọ Nado Hẹn Kọgbọ Wá to Singigọ de Whenu

Jikun daho de ja bo hẹn singigọ wá to ṣẹnṣẹn Europe tọn to Juin 2013. Kandai nujijọ lọ tọn dohia dọ to Hongrie, Tọ̀sisa Danube tọn gọ́ jẹ agayiyi godo tọn etọn kọ̀n.

Na ehe yin nujijọ ajiji de wutu, Tito He Nọ Penukundo Adọkun Otò Tọn Go to Hongrie biọ to wekantẹn alahọ tọn Kunnudetọ Jehovah tọn lẹ tọn he to Hongrie si nado do Kunnudetọ lẹ hlan na yé nido gọalọ nado jla onú he gble lẹ do. Wekantẹn alahọ tọn lọ yigbe bo basi oylọna agun lẹ to lẹdo Tọ̀sisa Danube tọn blebu mẹ nado wá doalọ to tito nujijlado tọn he aṣẹpatọ lẹdo lọ tọn lẹ basi lẹ mẹ.

Aliho he mẹ agun lẹ wá te jiawu taun. To azán he bọdego lẹ mẹ, Kunnudetọ 900 linlán sọn agun 72 mẹ wẹ wá bo doalọ to azọ́n osindò lẹ súsú tọn mẹ. Eyin bibiọ to yé si nado do kalti akọ́nnu tọn de he ji yè kàn “Kunnudetọ Jehovah tọn lẹ”, yinkọ mẹdopodopo tọn po yinkọ otò yetọn tọn po do.

To tòdaho dopo mẹ, nukọntọ ogbẹ́ Croix-Rouge tọn Hongrie tọn de sẹ́ wekanhlanmẹ he bọdego ehe do agun de: “Mí yí sisi do dopẹna mì, na mí ma ko mọ apajlẹ nuwadopọ tọn mọnkọtọn po ojlo tintindo nado gọalọ tọn mọnkọtọn pọ́n mahopọnna dọ mì wá sọn fidindẹn lẹ! Po awagundido po wẹ n’nọ zinnudo apajlẹ jiawu mìtọn ji to tòdaho mítọn mẹ!”

Ogán tito kọgbọ tọn lọ, he sọ yin dopo to tòhódọtọ Hongrie tọn lẹ mẹ, do wekanhlanmẹ de hlan wekantẹn alahọ Kunnudetọ Jehovah tọn lẹ tọn nado dọnudo Kunnudetọ lẹ na alọgọ dagbe yetọn.

Plọnnu Dogọ

KANBIỌ HE MẸSUSU NỌ KANSE LẸ

Be Kunnudetọ Jehovah Tọn lẹ Nọ Gọalọ to Nugbajẹmẹji Jọwamọ Tọn lẹ Whenu Ya?

Pọ́n lehe mí nọ gọalọna yisenọ hatọ mítọn lẹ po mẹdevo lẹ po to nugbajẹmẹji lẹ whenu do.

WẸNDAGBE DE SỌN JIWHEYẸWHE DÈ!

Etẹwẹ Yin Linlẹn Jiwheyẹwhe Tọn Gando Aigba Go?

Biblu dọ nuhewutu Jiwheyẹwhe dá aigba, whenue yajiji na doalọte, podọ nuhe sọgodo bẹhẹn na aigba po mẹhe nọ nọ̀ e ji lẹ po.