Yì hosọ lẹ ji

Yì hosọ flinflin lẹ ji

Kunnudetọ Jehovah Tọn Lẹ

Gungbe

Naegbọn Mì Do Nọ Yì Mẹhe Tin to Sinsẹ̀n Devo Mẹ lẹ Dè?

Naegbọn Mì Do Nọ Yì Mẹhe Tin to Sinsẹ̀n Devo Mẹ lẹ Dè?

Mí ko doayi e go dọ e nọ vivi na mẹsusu he tin to sinsẹ̀n devo mẹ lẹ nado dọhodo hosọ Biblu tọn lẹ ji. Etomọṣo, mí yọnẹn dọ mẹdopodopo wẹ tindo jlọjẹ nado yí nuhe jlo e sè, podọ mí ma nọ hẹn mẹde gánnugánnu nado kẹalọyi owẹ̀n mítọn.

Eyin mí to hodọ gando sinsẹ̀n go, mí nọ dovivẹnu nado wanu sọgbe hẹ ayinamẹ Biblu tọn he biọ dọ mí ni nọ dọyẹwheho po “walọmimiọn” po bosọ nọ do “sisi sisosiso” hia mẹdevo lẹ. (1 Pita 3:15) Mí yọnẹn dọ mẹdelẹ ma na kẹalọyi owẹ̀n mítọn. (Matiu 10:14) Ṣigba, na mí ma sọgan yọ́n lehe gbẹtọ lẹ na yí mí do wutu, mí nọ dọhona yé whẹ́. Mí sọ yọnẹn dọ ninọmẹ gbẹtọ lẹ tọn nọ diọ.

Di apajlẹ, alọnu mẹde tọn sọgan ján to egbé bọ e ma na sèhó mítọn, ṣigba omẹ dopolọ sọgan wá sèhó lọ to whedevonu. Kavi nuhahun he mẹde to pipehẹ sọgan zọ́n bọ e na dotoaina owẹ̀n Biblu tọn. Nuhe zọ́n niyẹn bọ mí nọ yì gbẹtọ lẹ dè whlasusu nado dọho hẹ yé.