Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Mẹnu Wẹ Do Sinsẹ̀n Kunnudetọ Jehovah Tọn lẹ Tọn Ai?

Mẹnu Wẹ Do Sinsẹ̀n Kunnudetọ Jehovah Tọn lẹ Tọn Ai?

Titobasinanu egbezangbe tọn Kunnudetọ Jehovah tọn lẹ tọn bẹjẹeji to owhe 1870 lẹ gblamẹ. To ojlẹ enẹ mẹ, Biblu plọntọ delẹ he ma dẹn do Pittsburgh, Pennsylvanie, to États-Unis jẹ Biblu gbeje pọ́n ji kitokito. Yé nọ yí sinsẹ̀n-nuplọnmẹ lẹ jlẹdo nuhe Biblu plọnmẹ go. Yé jẹ nuhe yé plọn lẹ zín tọ́n ji to owe po linlinwe lẹ po mẹ podọ to linlinwe lọ he nọ yin yiylọ to egbehe dọ Atọ̀họ̀-Nuhihọ́ lọ Tọn He to Ahọluduta Jehovah Tọn Lá mẹ.

Dawe de tin to Biblu plọntọ ahundoponọ enẹlẹ mẹ he nọ yin Charles Taze Russell. Dile etlẹ yindọ Russell wẹ deanana azọ́n Biblu pinplọnmẹ tọn lọ to ojlẹ lọ mẹ bo yin omẹ tintan he zín Atọ̀họ̀-Nuhihọ́ lọ Tọn jẹgbonu, ewọ ma do sinsẹ̀n yọyọ de ai gba. Yanwle Russell po gbẹdohẹmẹtọ etọn lẹ po tọn, mẹhe nọ yin yiylọdọ Biblu Plọntọ lẹ to whenẹnu, wẹ yin nado hẹn nuplọnmẹ Jesu Klisti tọn lẹ gbayipe podọ nado hodo apajlẹ agun Klistiani tọn he Jesu zedai lọ tọn. Na Jesu wẹ yin Mẹhe ze sinsẹ̀n Klistiani tọn dai wutu, ewọ wẹ mí nọ pọnhlan di mẹhe do titobasinanu mítọn ai.Kọlọsinu lẹ 1:18-20.