Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Be Kunnudetọ Jehovah Tọn lẹ Nọ Kẹalọyi Nukunpedomẹgo Dotowhé Tọn Ya?

Be Kunnudetọ Jehovah Tọn lẹ Nọ Kẹalọyi Nukunpedomẹgo Dotowhé Tọn Ya?

Mọwẹ, Kunnudetọ Jehovah tọn lẹ nọ kẹalọyi nukunpedomẹgo dotowhé tọn po amasin lẹ po. Nado penukundo agbasa mítọn go bo tindo agbasalilo dagbe, mí nọ tindo “nuhudo dotozọ́nwatọ tọn” to whedelẹnu. (Luku 5:31) Na nugbo tọn, taidi Klistiani owhe kanweko tintan tọn Luku, Kunnudetọ Jehovah tọn delẹ yin dotozọ́nwatọ.—Kọlọsinu lẹ 4:14.

Etomọṣo, aliho nukunpedomẹgo dotowhé tọn delẹ nọ jẹagọdo nunọwhinnusẹ́n Biblu tọn lẹ, enẹwutu mí nọ gbẹ́ yé dai. Di apajlẹ, mí ma nọ dohùn na Biblu jẹagọdo ohùn yiyizan nado hẹn ogbẹ̀ dote. (Owalọ lẹ 15:20) Mọdopolọ, Biblu sọ dosẹ́n gando nukunpedomẹgo he bẹ afinyọnnuwiwa hẹn lẹ go.—Galatianu lẹ 5:19-21.

Etomọṣo, suhugan aliho nukunpedomẹgo dotowhé tọn lẹ tọn ma nọ gbà nunọwhinnusẹ́n Biblu tọn lẹ. Enẹwutu, mẹdopodopo wẹ na basi nudide edetiti tọn. Kunnudetọ de sọgan kẹalọyi aliho nukunpedomẹgo tọn de to whenue Kunnudetọ devo na gbẹ́ aliho nukunpedomẹgo tọn dopolọ.—Galatianu lẹ 6:5.