Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Be Kunnudetọ Jehovah Tọn lẹ Nọ Na Madao Wẹ Ya?

Be Kunnudetọ Jehovah Tọn lẹ Nọ Na Madao Wẹ Ya?

Lala, Kunnudetọ Jehovah tọn lẹ ma nọ na madao; azọ́n mítọn nọ yin nukunpedego to akuẹzinzan-liho gbọn nunina sọn ojlo mẹ wà lẹ dali. Etẹwẹ madao zẹẹmẹdo, podọ naegbọn Kunnudetọ Jehovah tọn lẹ ma nọ na madao?

Gbedide lọ nado nọ na madao kavi na nutindo mẹtọn lẹpo sin madao yin apadewhe Osẹ́n he yin nina akọta Islaeli hohowhenu tọn. Etomọṣo, Biblu dohia hezeheze dọ Osẹ́n ehe, he bẹ ‘gbedide lọ nado yí madao lẹ’ hẹn, ma gando Klistiani lẹ go.—Heblu lẹ 7:5, 18; Kọlọsinu lẹ 2:13, 14.

Kakati nado nọ na madao po nunina he yin bibiọ lẹ po, Kunnudetọ Jehovah tọn lẹ nọ hodo apajlẹ Klistiani tintan lẹ tọn, bo nọ nọgodona azọ́n yẹwhehodidọ tọn yetọn to aliho awe mẹ: tintan, gbọn yẹwhehodidọ po mẹpinplọn po dali, podọ awetọ gbọn nunina sọn ojlo mẹ wá lẹ nina dali.

Gbọnmọ dali, mí nọ hodo ayinamẹ he Biblu na Klistiani lẹpo dọmọ: “Omẹ dopodopo ni basi kẹdẹdile e ko magbe etọn to ahun etọn mẹ do, e ma yin po awuwhiwhle po kavi po huhlọn yí do hẹnmẹ po gba, na Jiwheyẹwhe nọ yiwanna nunamẹtọ homẹhunnọ.”—2 Kọlintinu lẹ 9:7.

 

Plọnnu Dogọ

Fie Wẹ Kunnudetọ Jehovah Tọn lẹ Nọ Mọ Akuẹ te Nado Wà Azọ́n Yetọn Lẹ?

Pọ́n lehe azọ́n yẹwhehodidọ lẹdo aihọn pé tọn fọ́n bo to nukọnyi do mahopọnna dọ akuẹ kavi mado-ao ma nọ yin ṣinṣinyan.