Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Kunnudetọ Jehovah Tọn Nẹmu Wẹ Tin Lẹdo Aihọn Pé?

Kunnudetọ Jehovah Tọn Nẹmu Wẹ Tin Lẹdo Aihọn Pé?

Linlin Owhé Sinsẹ̀nzọn Tọn * 2015 Tọn

Sọha Kunnudetọ Jehovah tọn lẹ tọn lẹdo aihọn pé

8 220 105

Agun lẹ

118 016

Otò nẹmu he mẹ Kunnudetọ Jehovah tọn lẹ nọ dọyẹwheho te

240

Nawẹ mì nọ hia sọha omẹ mìtọn lẹ tọn gbọn?

Mẹhe nọ dọyẹwheho wẹndagbe Ahọluduta Jiwheyẹwhe tọn to gbesisọ mẹ to osun dopodopo mẹ lẹ kẹdẹ wẹ mí nọ hia taidi Kunnudetọ Jehovah tọn. (Matiu 24:14) Ehe bẹ mẹhe ko yí baptẹm taidi Kunnudetọ lẹ hẹn, gọna mẹdevo lẹ he yin alọkẹyi nado nọ tindo mahẹ to azọ́n yẹwhehodidọ tọn lọ mẹ bo ma ka ko yí baptẹm.

Be mẹde dona nọ na akuẹ nado yin dopo to mì mẹ wẹ ya?

Lala. Mí ma nọ pọ́n do nunina he mẹde nọ basi lẹ go do nọ hia mẹlọ di Kunnudetọ kavi do nọ na ẹn azọngban kavi lẹblanulọkẹyi vonọtaun de to titobasinanu mítọn mẹ gba. (Owalọ lẹ 8:18-20) Nugbo lọ wẹ yindọ yè ma tlẹ nọ yọ́n yinkọ mẹhe dè suhugan nunina lẹ tọn nọ wá sọn lẹ tọn. Kunnudetọ dopodopo wẹ nọ desọn ojlo mẹ sọgbe hẹ ninọmẹ etọn nado yí whenu, huhlọn, po nutindo etọn devo lẹ po zan nado nọgodona azọ́n he mí nọ wà lẹdo aihọn pé lọ.2 Kọlintinu lẹ 9:7.

Nawẹ mì nọ wagbọn do yọ́n sọha mẹhe nọ dọyẹwheho to gbesisọ mẹ lẹ tọn?

To sunmẹsunmẹ, Kunnudetọ dopodopo nọ na linlin obá he mẹ e wà azọ́n yẹwhehodidọ tọn lọ jẹ to osun lọ mẹ tọn to agun he mẹ e tin te. Mẹdopodopo wẹ nọ desọn ojlo mẹ nado na linlin ehe.

Linlin agun lọ blebu tọn nọ yin bibẹdopọ, bọ lẹndopọ yetọn nọ yin didohlan wekantẹn alahọ tọn. Wekantẹn lọ nọ do lẹndopọ linlin otò kavi aigba-denamẹ dopodopo tọn hlan tatọ́-tẹnnọ mítọn.

To vivọnu owhe sinsẹ̀nzọn tọn dopodopo tọn, * linlin lọ lẹ nọ gọalọ nado yọ́n whenue sọha Kunnudetọ lẹ tọn yiaga hugan to otò dopodopo mẹ to owhe lọ mẹ. Sọha he yiaga hugan to otò dopodopo mẹ nọ yin bibẹdopọ nado yọ́n Kunnudetọ nẹmu he tin lẹdo aihọn pé. Nudọnamẹ gigọ́ lẹ gando linlin otò dopodopo tọn go, gọna numimọ lẹ gando azọ́n yẹwhehodidọ tọn lọ go, nọ yin zinzinjẹgbonu do Owhewé mítọn he yin Annuaire des Témoins de Jéhovah mẹ. Linlin enẹlẹ nọ na tuli mí, kẹdẹdile linlin mọnkọtọn lẹ na tuli Klistiani dowhenu tọn lẹ do.Owalọ lẹ 2:41; 4:4; 15:3.

Be mì nọ hia mẹhe nọ dogbẹ́ hẹ titobasinanu mìtọn bo ma ka nọ dọyẹwheho lẹ wẹ ya?

Dile etlẹ yindọ mí ma nọ hia omẹ enẹlẹ do sọha Kunnudetọ lẹ tọn mẹ, mí nọ kẹalọyi yé po zohunhun po to agun mítọn lẹ mẹ. Suhugan yetọn nọ wá hùnwhẹ Oflin Okú Klisti tọn to whemẹwhemẹ, enẹwutu mí nọ yọ́n sọha yetọn jẹ obá de mẹ, eyin mí de sọha Kunnudetọ lẹ tọn sọn sọha mẹhe wá hùnwhẹ enẹ tẹnmẹ lẹpo tọn mẹ. To 2015, sọha mẹhe wá hùnwhẹ Oflin tọn lẹ tọn wẹ 19 862 783.

Susu mẹhe ma nọ wá opli mítọn lẹ tọn wẹ nọ duvivi tito Biblu pinplọnmẹ vọnu tọn mítọn to owhé yetọn lẹ gbè. To madozẹnzẹn mẹ to owhe 2015 gblamẹ, mí deanana tito Biblu pinplọnmẹ tọn 9 708 968 to sunmẹsunmẹ, bọ delẹ to yé mẹ nọ yin bibasi hẹ mẹsusu dopọ.

Naegbọn sọha Kunnudetọ lẹ tọn he ahọlu nọ na lẹ do nọ sù hugan sọha he mìlọsu lẹ nọ na?

Nado yọ́n omẹ nẹmu he sinsẹ̀n dopodopo bẹhẹn, azọ́nwhé sọhayinanú tọn ahọlu tọn lẹ nọ saba kanse mẹdopodopo sinsẹ̀n he mẹ e nọ hia ede do. Di apajlẹ, Azọ́nwhé Sọhayinanú Tọn États-Unis tọn dọ dọ to sọhayinanú emitọn lẹ whenu, emi nọ “tẹnpọn nado yọnẹn eyin vlavo mẹhe emi kanhose lẹ nọ pọ́n yede hlan taidi hagbẹ sinsẹ̀n de tọn,” bo yidogọ dọ sọha blebu he emi nọ mọ to godo mẹ lẹ “nọ sọgbe poun hẹ nuhe mẹlẹ dọ, bo sọgan nọma yin sọha nujọnu tọn lọ dandan.” Amọ́ nulinlẹn mítọn gbọnvo, na mẹhe nọ yì dọyẹwheho na mẹdevo lẹ bo nọ na linlin azọ́n yẹwhehodidọ tọn yetọn tọn lẹ kẹdẹ wẹ mí nọ hia do sọha Kunnudetọ Jehovah tọn lẹ tọn mẹ. Mí ma nọ hia mẹhe nọ pọ́n yede hlan poun taidi Kunnudetọ lẹ demẹ.

^ huk. 2 Owhe sinsẹ̀nzọn tọn dopo nọ bẹsọn 1er septembre bo nọ fó do 31 août owhe he bọdego tọn. Di apajlẹ, owhe sinsẹ̀nzọn tọn 2015 tọn bẹjẹeji sọn 1er septembre 2014 bo fó do 31 août 2015.

^ huk. 16 Owhe sinsẹ̀nzọn tọn dopo nọ bẹsọn 1er septembre bo nọ fó do 31 août owhe he bọdego tọn. Di apajlẹ, owhe sinsẹ̀nzọn tọn 2015 tọn bẹjẹeji sọn 1er septembre 2014 bo fó do 31 août 2015.

Plọnnu Dogọ

Etẹlẹ Wẹ Yin Nuyise Kunnudetọ Jehovah Tọn lẹ Tọn?

Pọ́n bladopọ nuyise tangan mítọn 15 delẹ tọn.

Nawẹ Kunnudetọ Jehovah Tọn lẹ Nọ Basi Titona Azọ́n Yẹwhehodidọ Tọn Yetọn Gbọn?

Mí nọ hodo apajlẹ he Jesu zedai to whenue e tin to aigba ji. Etẹwẹ yin delẹ to aliho yẹwhehodidọ tọn he e yizan lẹ mẹ?

Nawẹ Kunnudetọ Jehovah Tọn lẹ Nọ Basi Tito Agun Yetọn lẹ Tọn Do?

Pọ́n lehe mí nọ mọ anademẹ po nudọnamẹ voovo lẹ po yí do gbọn awuwledainanu ehe gblamẹ.