Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Be Kunnudetọ Jehovah Tọn lẹ Nọ Gbẹ́ Hagbẹ Sinsẹ̀n Tọn Yetọn Hoho lẹ Dai Wẹ Ya?

Be Kunnudetọ Jehovah Tọn lẹ Nọ Gbẹ́ Hagbẹ Sinsẹ̀n Tọn Yetọn Hoho lẹ Dai Wẹ Ya?

Mẹhe yí baptẹm bo lẹzun Kunnudetọ Jehovah tọn lẹ ṣigba bo masọ nọ dọyẹwheho na gbẹtọ lẹ ba, vlavo bo ma tlẹ sọ nọ dogbẹ́ hẹ mí ba lẹ ma nọ yin gbigbẹdai. Mí tlẹ nọ dovivẹnu nado yì yé dè bosọ nọ tẹnpọn nado fọ́n ojlo gbigbọmẹ tọn yetọn dote.

E ma yin whelẹponu wẹ mí nọ de mẹde sẹ̀ sọn ṣẹnṣẹn mítọn na e wà ylando sinsinyẹn de wutu. Ṣigba, eyin Kunnudetọ he ko yí baptẹm de hẹn osẹ́n he to Biblu mẹ lẹ gbigbà zun aṣa bo ma lẹnvọjọ, omẹ mọnkọtọn nọ yin gbigbẹdai kavi nọ yin didesẹ sọn ṣẹnṣẹn mítọn. Biblu dọ hezeheze dọmọ: “Mì de omẹ ylankan lọ sẹ̀ sọn ṣẹnṣẹn mìtọn.1 Kọlintinu lẹ 5:13.

Etẹwẹ dogbọn sunnu he yin didesẹ sọn agun mẹ bọ asi etọn po ovi etọn lẹ po gbẹ́ pò to Kunnudetọ Jehovah tọn yin de dali? Kanṣiṣa sinsẹ̀n tọn he e tindo hẹ yé na diọ, ṣigba kanṣiṣa whẹndo tọn na gbẹ́ pò to aimẹ. Haṣinṣan alọwle tọn gọna nuwiwa po owanyi jọwamọ tọn he tin to hagbẹ whẹndo lọ tọn lẹ po ṣẹnṣẹn na zindonukọn.

Mẹhe yin didesẹ sọn agun mẹ lẹ sọgan nọ wá opli mítọn lẹ. Eyin yé jlo, yé sọgan sọ mọ ayinamẹ gbigbọmẹ tọn yí sọn mẹho agun tọn lẹ dè. Yanwle lọ wẹ nado gọalọna yé na yé nido pegan whladopo dogọ bo yin Kunnudetọ Jehovah tọn. Mẹhe yin didesẹ sọn agun mẹ bo jo walọ ylankan yetọn lẹ do bosọ dohia dọ yé tindo ojlo nado nọgbẹ̀ sọgbe hẹ osẹ́n Biblu tọn lẹ nọ saba yin alọkẹyi bo nọ lẹzun hagbẹ agun lọ tọn whladopo dogọ.