Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Etẹwẹ Tito Biblu Pinplọnmẹ Tọn Mítọn Bẹhẹn?

Etẹwẹ Tito Biblu Pinplọnmẹ Tọn Mítọn Bẹhẹn?

Kunnudetọ Jehovah tọn lẹ nọ ze tito Biblu pinplọnmẹ tọn donukọnnamẹ. Tito enẹ nọ gọalọnamẹ nado mọ gblọndo na kanbiọ susu di ehelẹ nkọ:

  • Mẹnu wẹ Jiwheyẹwhe?

  • Be Jiwheyẹwhe nọ hò ṣie pọ́n nugbonugbo ya?

  • Nawẹ n’sọgan wagbọn bọ ayajẹ na tin to alọwle ṣie mẹ?

  • Nawẹ n’sọgan wagbọn bo tindo ayajẹ to gbẹ̀mẹ?

To odò, a na mọ gblọndo na kanbiọ he mẹsusu nọ kanse gando tito Biblu pinplọnmẹ tọn mítọn go lẹ.

Nawẹ tito Biblu pinplọnmẹ tọn lọ nọ yì do? Mí nọ ze hosọ delẹ taidi “Jiwheyẹwhe” kavi “alọwle” bo nọ gbadopọnna wefọ Biblu tọn voovo he gando hosọ lọ go lẹ. Mí nọ yí wefọ lẹ jlẹdo yede go bo nọ yọ́n nuhe Biblu dọ gando hosọ lọ go. Gbọnmọ dali, mí nọ na dotẹnmẹ Biblu nado basi zẹẹmẹ ede tọn.

Mí nọ yí owe lọ Etẹwẹ Biblu Plọn Mí Taun? zan nado plọn Biblu. Owe ehe do nuhe Biblu dọ hia hezeheze gando Jiwheyẹwhe, Jesu, sọgodo mítọn po hosọ devo lẹ po go.

Nẹmu wẹ yè nọ sú na tito Biblu pinplọnmẹ tọn de? Vọnu wẹ oplọn lọ podọ vọnu sọ wẹ owe nupinplọn tọn lọ.

Nawẹ oplọn dopodopo nọ dẹn sọ? Mẹsusu nọ de nudi gànhiho dopo dovo to osẹ dopodopo mẹ na mí nido plọn Biblu hẹ yé. Ṣigba, osẹ́n tangan de ma tin gando lehe oplọn lọ na dẹn sọ go. Mí sọgan basi tito lọ sọgbe hẹ ninọmẹ towe.

Tito tẹwẹ mì na basi, eyin n’biọ dọ mì ni wá plọn Biblu hẹ mi? Eyin a biọ dọ mí ni wá plọn Biblu hẹ we, Kunnudetọ Jehovah tọn de na wá dè we to fie yọ́n na we podọ to whenue a jlo. E na yí nukunwhiwhe kleun delẹ zan nado do lehe tito Biblu pinplọnmẹ tọn mítọn nọ yì do hia we. Eyin a yiwanna tito lọ, mì na zindonukọn to oplọn lọ mẹ.

Eyin n’jẹ Biblu plọn ji, be n’dona lẹzun Kunnudetọ Jehovah tọn wẹ ya? Lala. E nọ vivi na Kunnudetọ Jehovah tọn lẹ nado plọnnu gbẹtọ lẹ gando Biblu go, amọ́ mí ma nọ hẹn mẹde gánnugánnu nado lẹzun hagbẹ sinsẹ̀n mítọn tọn. Kakatimọ, mí nọ plọnmẹ nuhe Biblu dọ poun, bo nọ hẹn do ayiha mẹ dọ jlọjẹ mẹdopodopo tọn wẹ nado tindo yise to nuhe jlo e mẹ.—1 Pita 3:15.

Plọnnu Dogọ

Naegbọn Mí Dona Plọn Biblu?

Biblu to alọgọna gbẹtọ livi susu lẹdo aihọn pé nado mọ gblọndo na kanbiọ tangan gbẹ̀mẹ tọn lẹ. Hiẹ lọsu jlo na tin to yé mẹ ya?

Nawẹ Mí Nọ Plọn Biblu hẹ Mẹ Gbọn?

Lẹdo aihọn pé, Kunnudetọ Jehovah tọn lẹ yin yinyọnẹn na tito Biblu pinplọnmẹ tọn vọnu he yé nọ zedonukọnnamẹ. Pọ́n lehe e nọ yin bibasi do.

Biọ Nado Plọn Biblu Vọnu

Plọn Biblu vọnu to fie jlo we podọ to ogàn he yọ́n na we mẹ.