Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Fie Wẹ Kunnudetọ Jehovah Tọn lẹ Nọ Mọ Akuẹ te Nado Wà Azọ́n Yetọn Lẹ?

Fie Wẹ Kunnudetọ Jehovah Tọn lẹ Nọ Mọ Akuẹ te Nado Wà Azọ́n Yetọn Lẹ?

Akuẹ po nunina devo lẹ po he Kunnudetọ Jehovah tọn lẹ nọ desọn ojlo mẹ bo nọ na lẹ wẹ nọ hẹn azọ́n yẹwhehodidọ tọn mítọn yọnbasi. Akuẹ kavi mado-ao ma nọ yin ṣinṣinyan to opli mítọn lẹ ji. (Matiu 10:7, 8) Kakatimọ, apotin he mẹ yè nọ na akuẹ do lẹ tin to opli mítọn lẹ tẹnmẹ bọ mẹdepope he jlo sọgan ze akuẹ do e mẹ. Yinkọ mẹhe nanú lẹ tọn ma nọ yin didọ.

Dopo to nuhe nọ zọ́n bọ mí nọ mọ akuẹ nado penukundo tito voovo lẹ go lẹ mẹ wẹ yindọ mí ma tindo nukọntọ he mí nọ suahọ lẹ gba. Gbọnvona enẹ, yè ma nọ suahọ Kunnudetọ he nọ dọyẹwheho sọn whédegbè jẹ whédegbè lẹ, podọ fie mí nọ basi sinsẹ̀n te lẹ ma nọ yin ohọ̀ blibata.

Nunina depope he yin didohlan azọ́nwatẹn Kunnudetọ Jehovah tọn lẹ tọn nọ yin yiyizan nado gọalọna mẹhe adán gbò to nugbajẹmẹji whenu lẹ, podọ nado nọgodona mẹhe yin didohlan nado dọyẹwheho to tògodo lẹ, mẹhe nọ yì sọn agun de mẹ jẹ devo mẹ nado na tuli mẹmẹsunnu lẹ, mẹhe nọ gọalọ nado gbá nọtẹn sinsẹ̀n-bibasi tọn lẹ to otò he ma hunnukun lẹ mẹ lẹ, gọna mẹhe nọ gọalọ nado zín Biblu po owe sinai do Biblu ji lẹ po tọ́n bo nọ do yé hlan ofi voovo lẹ.

Mẹdopodopo wẹ nọ de dide eyin e jlo na na akuẹ nado gọalọ na nuhe dù akuẹ he nọ yin yiyizan na agun kavi na azọ́n yẹwhehodidọ lẹdo aihọn pé tọn kavi na tito awe ehelẹ. To sunmẹsunmẹ, agun lẹpo nọ na linlin akuẹ tọn bọ hagbẹ agun lọ tọn lẹ nọ yọ́n lehe akuẹ lẹ yin zinzan do.

Plọnnu Dogọ

Nọ Dohia Dọ A Yọ́n Pinpẹn Alọtútlú Jehovah Tọn

Biblu do whẹwhinwhẹ́n dagbe po ylankan lẹ po hia, he sọgan whàn mí to egbehe nado yí whenu, huhlọn po nutindo mítọn lẹ po do basi nunina.

Nupinpọn Kleun: Fie Kunnudetọ Jehovah Tọn lẹ Nọ Mọ Akuẹ te Na Azọ́n Yetọn

Pọ́n lehe gbẹtọ lẹ nọ gọalọ bo nọ basi nunina do lẹdo aihọn pé.