Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Etẹwẹ Hagbẹ Anademẹtọ Kunnudetọ Jehovah Tọn lẹ Tọn Yin?

Etẹwẹ Hagbẹ Anademẹtọ Kunnudetọ Jehovah Tọn lẹ Tọn Yin?

Hagbẹ Anademẹtọ lọ yin pipli pẹvi Klistiani he whèwhín lẹ tọn de he nọ na anademẹ Kunnudetọ Jehovah tọn lẹ lẹdo aihọn pé. Azọ́n yetọn sọgan yin mimá do adà voovo awe ji:

Hagbẹ Anademẹtọ lọ nọ hodo apajlẹ he ‘apọsteli po sunnu mẹho he to Jelusalẹm lẹ po’ zedai to owhe kanweko tintan whenu, bo nọ basi nudide titengbe lẹ do agun Klistiani tọn blebu tamẹ. (Owalọ lẹ 15:2) Dile sunnu nugbonọ enẹlẹ basi do, mẹhe tin to Hagbẹ Anademẹtọ lọ mẹ lẹ lọsu nọ dín anademẹ sọn Biblu mẹ, bo nọ kẹalọyi dọ Jesu Klisti wẹ Jehovah Jiwheyẹwhe de taidi Ota agun lọ tọn.1 Kọlintinu lẹ 11:3; Efesunu lẹ 5:23.

Mẹnu lẹ wẹ tin to Hagbẹ Anademẹtọ lọ mẹ?

To mars 2016, mẹhe tin to Hagbẹ Anademẹtọ lọ mẹ lẹ wẹ Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson po David Splane po. Yé to devizọnwa to tatọ́-tẹnnọ aihọn tọn mítọn to Brooklyn, New York, États-Unis.

Nawẹ Hagbẹ Anademẹtọ lọ yin tito-basina gbọn?

Hagbẹ Anademẹtọ lọ ze wedegbẹ́ voovo ṣidopo dai nado deanana adà voovo azọ́n mítọn tọn lẹ, podọ dopodopo yetọn nọ wazọ́n to wedegbẹ́ ehelẹ dopo kavi humọ mẹ.

  • Wedegbẹ́ Anadenanutọ Tọn: Nọ penukundo whẹho whẹdidọ tọn lẹ go, nọ yawu yinuwa to nugbajẹmẹji lẹ whenu, kavi to nujijọ he mẹ hagbẹ sinsẹ̀n tọn mítọn lẹ yin homẹkẹndo te na nuyise yetọn lẹ wutu, po whẹho niyaniya tọn devo he gando Kunnudetọ Jehovah tọn lẹ po go mẹ.

  • Wedegbẹ́ Nukunpedomẹgo Tọn: Nọ penukundo tito he gando hagbẹ whẹndo Bẹtẹli tọn lẹ tọn go.

  • Wedegbẹ́ Wezinjẹgbonu Tọn: Nọ deanana didetọn po didohlan owe sinai do Biblu ji lẹ tọn po, gọna plitẹnhọ, azọ́nwatẹn lẹdogbedevomẹ bibasi tọn po wekantẹn alahọ tọn lẹ gbigbá po.

  • Wedegbẹ́ Sinsẹ̀nzọn Tọn: Nọ deanana azọ́n yẹwheho “wẹndagbe ahọluduta lọ tọn” lilá tọn mítọn.Matiu 24:14.

  • Wedegbẹ́ Mẹpinplọn Tọn: Nọ deanana tito he nọ yin bibasi nado wleawuna nuplọnmẹ gbigbọmẹ tọn he nọ yin nina gbọn opli lẹ, wehọmẹ lẹ gọna tito hoyidokanji lẹ po video lẹ po tọn gblamẹ.

  • Wedegbẹ́ Wekinkan Tọn: Nọ deanana awuwiwlena núdùdù gbigbọmẹ tọn he nọ yin nina mí gbọn owe mítọn he yin zinzinjẹgbonu lẹ po nọtẹn Intẹnẹt tọn mítọn po gblamẹ. E sọ nọ deanana azọ́n lẹdogbedevomẹ bibasi tọn.

Gbọnvona azọ́n he Hagbẹ Anademẹtọ lọ nọ wà gbọn wedegbẹ́ ehelẹ gblamẹ, yé sọ nọ pli to osẹ dopodopo mẹ nado lẹnnupọndo nuhudo titobasinanu lọ tọn lẹ ji. To opli ehelẹ whenu, yé nọ gbadopọnna nuhe Owe-wiwe lẹ dọ, bo nọ joawuna anademẹ gbigbọ wiwe tọn, bosọ nọ tẹnpọn nado wá gbèta he hagbẹ lọ lẹpo kẹalọyi lẹ kọ̀n.Owalọ lẹ 15:25.

Mẹnu lẹ wẹ yin alọgọtọ Hagbẹ Anademẹtọ lọ tọn lẹ?

Klistiani dejidego lẹ wẹ mẹhe nọ gọalọna wedegbẹ́ voovo Hagbẹ Anademẹtọ lọ tọn lẹ. (1 Kọlintinu lẹ 4:2) Yé tindo nugopipe po numimọ po to azọ́n he wedegbẹ́ he mẹ yé yin azọ́ndena do nọ deanana mẹ, podọ yé nọ yì opli he wedegbẹ́ lọ nọ basi to sẹmẹsẹmẹ lẹ tẹnmẹ. Dile etlẹ yindọ yé ma tin to mẹhe nọ basi nudide lẹ mẹ, alọgọtọ lọ lẹ nọ na ayinamẹ yọ́n-na-yizan po nudọnamẹ gigọ́ lẹ po gando whẹho lẹ go, bo nọ hẹn ẹn diun dọ nudide wedegbẹ́ lọ tọn lẹ yin hihodo podọ yé nọ dindona kọdetọn he nudide lọ lẹ to hinhẹnwa. Yé sọgan sọ yin azọ́ndena gbọn Hagbẹ Anademẹtọ lọ dali nado dla mẹmẹsunnu mítọn lẹ pọ́n to awà voovo aihọn lọ tọn lẹ ji, kavi nado na hodidọ to nuwiwa delẹ whenu taidi opli whemẹwhemẹ tọn ogbẹ́ Watchtower tọn kavi to gbedewema yíyí Giliadi tọn tẹnmẹ.

TODOHUKANJI ALỌGỌTỌ LẸ TỌN

Wedegbẹ́

Yinkọ

Anadenanutọ Tọn

  • Ekrann John

  • Wallen Robert

 

Nukunpedomẹgo Tọn

  • Grizzle Gerald

  • LaFranca Patrick

  • Molchan Daniel

  • Walls Ralph

 

Wezinjẹgbonu Tọn

  • Adams Don

  • Butler Robert

  • Corkern Harold

  • Gordon Donald

  • Luccioni Robert

  • Reinmueller Alex

  • Sinclair David

 

Sinsẹ̀nzọn Tọn

  • Breaux Gary

  • Dellinger Joel

  • Hyatt Seth

  • Mavor Christopher

  • Perla Baltasar Jr.

  • Turner William Jr.

  • Wallen Robert

  • Weaver Leon Jr.

 

Mẹpinplọn Tọn

  • Curzan Ronald

  • Flodin Kenneth

  • Malenfant William

  • Noumair Mark

  • Schafer David

 

Wekinkan Tọn

  • Ciranko Robert

  • Mantz James

  • Marais Izak

  • Smalley Gene

 

Plọnnu Dogọ

Naegbọn Jiwheyẹwhe Tindo Titobasinanu De?

Biblu dọ nuhewutu podọ lehe Klistiani nugbo lẹ yin tito-basina do.

Nawẹ Hagbẹ Anademẹtọ Kunnudetọ Jehovah Tọn lẹ Tọn Nọ Yinuwa Gbọn to Egbehe?

To owhe kanweko tintan whenu, pipli pẹvi sunnu mẹho lẹ po apọsteli lẹ po tọn wẹ yinuwa taidi hagbẹ anademẹtọ agun Klistiani tọn. Egbehe lo?

Be Kunnudetọ Jehovah Tọn lẹ Tindo Nukọntọ He Yé Nọ Suahọ lẹ Wẹ Ya?

Be pipli sinsẹ̀ngán lẹ tọn de tin dovo na agunvi lẹ wẹ ya? Mẹnu lẹ wẹ nọ yin alọkẹyi taidi yẹwhehodọtọ?