Yì hosọ lẹ ji

Yì hosọ flinflin lẹ ji

Kunnudetọ Jehovah Tọn Lẹ

Gungbe

Nudọnamẹ lẹ Gando Azọ́nwatẹn Mítọn lẹ po Dlapọn Bibasi po Go

Mí basi oylọna we nado wá dla azọ́nwatẹn po wezintẹn mítọn lẹ po pọ́n. Nọtẹn lọ lẹ po whenue a sọgan dla yé pọ́n po tin tofi.

 

États-Unis

Yinkọ Zizedai Nado Wá Dla Mí Pọ́n

Be a dona ze yinkọ dai whẹpo do wá dla mí pọ́n wẹ ya? Mọwẹ. Na gbẹtọ nikaa sù hugan podọ na mẹlẹpo nido mọaleyi sọn dlapọn yetọn mẹ, nujọnu wẹ e yin dọ mẹhe jlo na wá dla Patterson, Wallkill kavi Warwick pọ́n lẹpo ni ze yinkọ dai jẹnukọn, mahopọnna sọha yetọn. Yí alọdlẹndonu Intẹnẹt ji tọn he to odò lọ zan nado ze yinkọ dai bo dọ dopodopo fihe a jlo na dlapọn lẹ tọn.

Eyin a ma ze yinkọ dai jẹnukọn, be a gán gbẹ́ dla azọ́nwatẹn mítọn de pọ́n ya? Eyin a ma ze yinkọ dai jẹnukọn, e sọgan nọma yọnbasi nado mọtẹn na we. Na aliho he mẹ onú hoho sẹdotẹn he to Warwick lẹ yin awuwlena te wutu, omẹ vude poun wẹ sọgan dla yé pọ́n to azán dopodopo ji.

Ogàn nẹmu mẹ wẹ a dona wá na dlapọn lọ? E na yọ́n hugan dọ a ni wá to whenue gànmẹ dlapọn towe tọn pò nudi gànhiho dopo. Ehe na zọ́n bọ gbẹtọ ma na sù gbau to húnglintẹn lẹ podọ to fihe jonọ lẹ nọ nọte do.

Azọ́nwatẹn nẹmu wẹ a gán dlapọn to gbèdopo? A ma gán dla hugan azọ́nwatẹn awe pọ́n to gigọ́ mẹ to gbèdopo.

Sọha He Whè Hú Omẹ 20

Omẹ 20 Kavi Humọ

Ze yinkọ dai to Intẹnẹt ji do pipli de tamẹ nado dla azọ́nwatẹn mítọn he tin to Patterson, Wallkill kavi Warwick lẹ pọ́n.

Zẹhudo Dlapọn lọ Ji

Kannu gọ́ adà he jẹ lọ mẹ to Intẹnẹt ji nado zẹhudo dlapọn mẹdopo tọn kavi pipli de tọn ji.

Warwick

1 Kings Dr.

TUXEDO PARK NY 10987

ÉTATS-UNIS

+1 845-​524-​3000

Dlapọn Lẹ

Dlapọn lẹ na bẹjẹeji to Warwick bẹsọn lundi 3 avril 2017. Jaale bo ze yinkọ dai jẹnukọn whẹpo do basi tito húndido tọn.

Lundi jẹ vendredi

Sọn ogàn 8 mẹ afọnnu jẹ ogàn 4 mẹ whèmẹ

(Fie hiẹ ṣo gán disa gbọn lẹ)

Sọn ogàn 8 mẹ jẹ ogàn 11 mẹ afọnnu, podọ sọn ogàn 1 mẹ jẹ ogàn 4 mẹ whèmẹ.

Dlapọn lọ na dẹn na nukunwhiwhe 20

(Fie yè dona plan we disa gbọn lẹ)

To bladopọ mẹ

Fie Hiẹ Ṣo Gán Disa Gbọn Lẹ

  1. Biblu po Oyín Jiwheyẹwhe Tọn Po. A na mọ Biblu he ma nọ yawu yin mimọ lẹ, podọ lehe oyín Jiwheyẹwhe tọn yin hihọ́ basina do mahopọnna vivẹnudido gbẹtọ lẹ tọn nado de e sẹ̀ sọn Biblu mẹ. Humọ, a nasọ mọ fọto Biblu he ma nọ yawu yin mimọ devo lẹ tọn gọna nuyizan hohowhenu tọn lẹ he nọgodona nujijọ he go Biblu donù lẹ.

  2. Akọta He Yin Dide Na Oyín Jehovah Tọn. Yẹdide he a na mọ tofi lẹ do otàn ogú gbigbọmẹ tọn Kunnudetọ Jehovah tọn lẹ tọn hia. Nuyizan voovo he Kunnudetọ he jẹnukọn lẹ yizan lẹ po numimọ yetọn lẹ po, do lehe Jehovah ko deanana omẹ etọn lẹ vudevude bo plọn yé bosọ basi titona yé nado wà ojlo etọn do hia.

  3. Anadenanutọ Tatọ́-Tẹnnọ Tọn lẹ Nọ Do Yise Yetọn Hia. Nuhe a na mọ tofi lẹ na hẹn we lẹnnupọn bo na do azọ́n he wedegbẹ́ Hagbẹ Anademẹtọ lọ tọn lẹ nọ wà lẹ hia we, podọ a nasọ mọ lehe yé nọ gọalọna Kunnudetọ Jehovah tọn lẹ nado hodo anademẹ gbigbọmẹ tọn lẹ do na nuhe dù pipli dopọ, devi lẹ bibasi, núdùdù gbigbọmẹ tọn dùdù podọ owanyi didohia ode awetọ yetọn.

Fie Yè Dona Plan We Disa Gbọn Lẹ

Dlapọn ehe na do azọ́nwatẹn voovo he tin to Warwick lẹ po lẹdo etọn lẹ po hia we.

Yí Alọnuwe Azọ́nwatẹn lọ Tọn

Patterson

100 Watchtower Dr. (2891 Route 22)

PATTERSON NY 12563

ÉTATS-UNIS

+1 845-306-1000

Dlapọn Lẹ

Jaale bo ze yinkọ dai jẹnukọn whẹpo do basi tito húndido tọn.

Lundi jẹ vendredi

Sọn ogàn 8 mẹ jẹ ogàn 11 mẹ afọnnu, podọ sọn ogàn 1 mẹ jẹ ogàn 4 mẹ whèmẹ

Na dẹn na gànhiho 2

To bladopọ mẹ

Mí nọ wleawuna yẹdide owe mítọn lẹ tọn gọna hoyidokanji po video lẹ po. Dlapọn lọ nọ bẹ zẹẹmẹ lẹ hẹn gando wehọmẹ Biblu pinplọn tọn voovo he tin to finẹ lẹ go.

Wallkill

900 Red Mills Rd.

WALLKILL NY 12589

ÉTATS-UNIS

+1 845-744-6000

Dlapọn Lẹ

Jaale bo ze yinkọ dai jẹnukọn whẹpo do basi tito húndido tọn.

Lundi jẹ vendredi

Sọn ogàn 8 mẹ jẹ ogàn 11 mẹ afọnnu, podọ sọn ogàn 1 mẹ jẹ ogàn 4 mẹ whèmẹ

Na dẹn na gànhiho 2

To bladopọ mẹ

To whemẹwhemẹ, mí nọ zín owe sinai do Biblu ji livi 25 linlán jẹgbonu. Mí nọ do owe sinai do Biblu ji lẹ hlan alahọ lẹ lẹdo aihọn pé to ogbè 360 linlán mẹ, podọ hlan agun Kunnudetọ Jehovah tọn lẹ tọn 15 000 linlán to États-Unis, Canada po lopo he to Caraïbes lẹ po.

Yí Alọnuwe Azọ́nwatẹn lọ Tọn