1 Timoti 4:13

BLADOPỌ: Hia nuhe yin kinkan lọ pẹpẹ daga.

NUHE A NA WÀ:

  • Wleawu ganji. Yọ́n nuhewutu nulọ do yin kinkan. Plọn nado nọ hia hogbe lẹ dopọ, kakati nido yin hogbe dopodopo. Nọ aṣeji ma nado ze hogbe devo lẹ demẹ, lọ́n dasá hogbe delẹ, kavi hia hogbe de do devo tẹnmẹ. Na ayidonugo ohia weyọnhia tọn lẹpo.

  • Ylọ hogbe dopodopo dile e jẹ do. Eyin a ma yọ́n lehe hogbe de na yin hihia do, a gán dotó hoyidokanji zinjẹgbonu lọ tọn, kavi biọ alọgọ mẹhe yin wehiatọ dagbe de tọn.

  • Dọho tọ́n to aliho he họnwun mẹ. Ylọ hogbe lẹ po sọwhiwhe po bo jlọkọ̀ bosọ kẹnù ganji. Dovivẹnu nado nọ ylọ hókún dopodopo tọ́n ganji.