Matiu 16:13-16

BLADOPỌ: Nọ yí zinzin do kàn kanbiọ lẹ sè nado fọnjlodotena hosetọ towe lẹ bo dọ̀n ayidonugo yetọn, nado hẹn yé lẹnnupọn podọ nado zinnudo nuagokun tangan lẹ ji.

NUHE A NA WÀ:

  • Fọnjlodote bo dọ̀n ayidonugo. Kàn kanbiọ mẹhẹnlẹnnupọn tọn lẹ sè nado fọ́n tlintlindo dindin hosetọ towe lẹ tọn dote kavi nado hẹn yé dín gblọndo to ayiha yetọn mẹ.

  • Hẹnmẹ lẹnnupọndo hosọ de ji. Gọalọna hosetọ towe lẹ nado hodo hoyijlẹdohogo towe tẹnwin-lẹnwin gbọn kanbiọ debọdo-dego he na planmẹ jẹ tadona he sọgbe hẹ lẹnpọn dagbe kọ̀n lẹ yiyizan dali.

  • Zinnudo nuagokun tangan lẹ ji. Yí kanbiọ ojlofọndotenamẹ tọn de zan nado de linlẹn tangan de tọ́n. Nọ yí kanbiọ dogbapọn tọn lẹ zan to hodidọ do nuagokun tangan de ji godo kavi nado dotana nuzedonukọnnamẹ towe.