Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Wẹndagbe de sọn Jiwheyẹwhe Dè!

 NUPINPLỌN 15

Naegbọn Hiẹ Dona to Biblu Plọn Zọnmii?

Naegbọn Hiẹ Dona to Biblu Plọn Zọnmii?

1. Ale tẹwẹ a na mọyi eyin a to nuplọn zọnmii?

Dogbigbapọnna nuplọnmẹ dodonu tọn Biblu tọn ehelẹ ko gọalọna we nado dọnsẹpọ Jehovah dogọ. Hiẹ dona nọ dovivẹnu egbesọegbesọ nado hẹn owanyi he a tindo na ẹn siso deji. (1 Pita 2:2) Hiẹ na hẹn todido ogbẹ̀ madopodo tọn towe go eyin a zindonukọn nado dọnsẹpọ Jiwheyẹwhe gbọn Ohó etọn pinplọn dali.—Hia Johanu 17:3; Juda 21.

Dile hiẹ zindonukọn, yise towe na yin hinhẹn lodo dogọ. Yise wẹ na gọalọna we nado hẹn homẹ Jiwheyẹwhe tọn hùn. (Heblu lẹ 11:1, 6) E na whàn we nado lẹnvọjọ bo basi diọdo dagbe lẹ to gbẹzan towe mẹ.—Hia Owalọ lẹ 3:19.

2. Nawẹ oyọnẹn Jiwheyẹwhe tọn he a tindo sọgan hẹn ale wá na mẹdevo lẹ gbọn?

Hiẹ sọgan bẹ haṣinṣan vonọtaun de jẹeji hẹ Jehovah

E họnwun dọ hiẹ na jlo nado má nuhe plọn a te lẹ hẹ mẹdevo lẹ, na mímẹpo wẹ nọ jlo na má wẹndagbe. Dile hiẹ zindonukọn to nupinplọn towe mẹ, hiẹ na yọ́n lehe a na yí Biblu do basi zẹẹmẹ yise towe tọn to Jehovah mẹ podọ to wẹndagbe lọ mẹ do.—Hia Lomunu lẹ 10:13-15.

Suhugan gbẹtọ lẹ tọn nọ bẹ wẹndagbe lọ mimá jẹeji hẹ họntọn kavi hẹnnumẹ yetọn lẹ. Ṣigba, nọ yí zinzin zan. Kakati nado nọ dọna yé dọ sinsẹ̀n yetọn ma yọ́n, nọ dọ opagbe Jiwheyẹwhe tọn lẹ na yé. Sọ flindọ lehe hiẹ jọmẹ hẹ gbẹtọ lẹ do nọ saba yinuwado yé ji hugan nuhe a dọ.—Hia 2 Timoti 2:24, 25.

3. Dotẹnmẹ tẹwẹ hundote na we?

Biblu pinplọn na gọalọna we nado whẹ́n to gbigbọ-liho. To nukọn mẹ, a sọgan biọ haṣinṣan vonọtaun de mẹ hẹ Jehovah bo na lẹzun hagbẹ whẹndo etọn tọn.—Hia 2 Kọlintinu lẹ 6:18.

 4. Nawẹ hiẹ sọgan to nukọnyi gbọn?

Zindonukọn to Biblu pinplọn mẹ. (Heblu lẹ 5:13, 14) Biọ to dopo to Kunnudetọ Jehovah tọn lẹ mẹ si nado plọn Biblu hẹ we gbọn owe Etẹwẹ Biblu Plọn Mí Taun? yiyizan dali. Lehe hiẹ plọnnu sọn Ohó Jiwheyẹwhe tọn mẹ sọ, mọ wẹ hiẹ na tindo kọdetọn dagbe dogọ do niyẹn.—Hia Salmu lẹ 1:1-3; 73:27, 28.

Jehovah, yèdọ Jiwheyẹwhe ayajẹnọ lọ dè wẹ wẹndagbe lọ wá sọn. Hiẹ sọgan dọnsẹpọ ẹ dogọ gbọn dindọnsẹpọ omẹ etọn lẹ dali. (Heblu lẹ 10:24, 25) Eyin hiẹ to vivẹnudo nado hẹn homẹ Jehovah tọn hùn, a na to afọdona ogbẹ̀ nujọnu tọn lọ—enẹ wẹ ogbẹ̀ madopodo. Mọwẹ, onú dagbe hugan he a sọgan wà wẹ nado dọnsẹpọ Jiwheyẹwhe.—Hia 1 Timoti 1:11; 6:19.

 

Plọnnu Dogọ

Etẹwẹ Nọ Jọ to Plitẹnhọ Ahọluduta Tọn Mẹ?

Wá yí nukun towe titi do pọ́n nuhe nọ jọ to finẹ.

Naegbọn Mí Dona Plọn Biblu?

Biblu to alọgọna gbẹtọ livi susu lẹdo aihọn pé nado mọ gblọndo na kanbiọ tangan gbẹ̀mẹ tọn lẹ. Hiẹ lọsu jlo na tin to yé mẹ ya?