Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Wẹndagbe de sọn Jiwheyẹwhe Dè!

 NUPINPLỌN 5

Etẹwẹ Yin Linlẹn Jiwheyẹwhe Tọn Gando Aigba Go?

Etẹwẹ Yin Linlẹn Jiwheyẹwhe Tọn Gando Aigba Go?

1. Naegbọn Jiwheyẹwhe do dá aigba?

Jehovah na aigba sunnu lẹ po yọnnu lẹ po. Owhé mítọn wẹ. Enẹwutu, asu po asi po tintan lọ, Adam po Evi po, ma yin didá nado jivi lẹ do olọn mẹ gba—Jiwheyẹwhe ko dá angẹli lẹ nado nọ nọ̀ olọn mẹ. (Jobu 38:4, 7) Kakatimọ, Jiwheyẹwhe ze sunnu tintan do paladisi whanpẹnọ de mẹ he nọ yin yiylọdọ jipa Edẹni tọn. (Jenẹsisi 2:15-17) Jehovah sọ na ewọ po kúnkan etọn po todido lọ nado duvivi ogbẹ̀ madopodo tọn to aigba ji.—Hia Salmu lẹ 37:29; 115:16.

To bẹjẹeji, jipa Edẹni tọn kẹdẹ wẹ yin paladisi de. Asu po asi po tintan lọ dona jivi bo gọ́ aigba lọ ji. To nukọn mẹ, yé na dugán do aigba lọ blebu ji bo hẹn ẹn zun paladisi. (Jenẹsisi 1:28) Aigba ma na yin vivasudo gbede. Owhé gbẹtọvi lẹ tọn wẹ e na yin kakadoi.—Hia Salmu lẹ 104:5.

2. Naegbọn aigba ma do yin paladisi de todin?

Adam po Evi po vẹtolina Jiwheyẹwhe, enẹwutu Jehovah yàn yé sọn jipa lọ mẹ. Paladisi lọ yin hinhẹnbu, podọ mẹdepope ma ko penugo nado hẹn ẹn gọwá. Biblu dọmọ: “Aigba ko yin jijodo alọ mẹylankan lẹ tọn mẹ.”—Jobu 9:24.—Hia Jenẹsisi 3:23, 24.

Be Jehovah ko gbẹkọ linlẹn he wutu e do dá gbẹtọvi lẹ to bẹjẹeji go wẹ ya? Lala! Ganhunupotọ wẹ ewọ. E ma sọgan gboawupo. (Isaia 45:18) E na gọ̀ gbẹtọvi lẹ do ninọmẹ he mẹ e jlo dọ yé ni nọ to bẹjẹeji mẹ.—Hia Salmu lẹ 37:11, 34.

3. Nawẹ Paladisi na yin hinhẹngọwa gbọn?

Aigba na lẹzun paladisi whladopo dogọ to gandudu Jesu tọn whenu taidi Ahọlu dide Jiwheyẹwhe tọn. To awhàn he yin yiylọdọ Amagẹdọni mẹ, Jesu na deanana angẹli Jiwheyẹwhe tọn lẹ bọ yé na và mẹhe jẹagọdo Jiwheyẹwhe lẹpo  sudo. Enẹgodo, Jesu na sú Satani do gànmẹ na owhe 1000. Omẹ Jiwheyẹwhe tọn lẹ na lùn vasudo lọ tọ́n na Jesu na deanana yé bo nasọ basi hihọ́na yé wutu. Yé na duvivi ogbẹ̀ madopodo tọn to Paladisi mẹ to aigba ji.—Hia Osọhia 20:1-3; 21:3, 4.

4. Whetẹnu wẹ yajiji na doalọte?

Whetẹnu wẹ Jiwheyẹwhe na doalọtena nuylankan he nọ jọ lẹ? Jesu na “ohia” de he na gọalọna mí nado yọnẹn dọ opodo lọ ko sẹpọ. Ninọmẹ aihọn lọ tọn lẹ todin nọ ze ogbẹ̀ gbẹtọ lẹ tọn do owù mẹ bo dohia dọ mí ko to gbẹnọ to “vivọnu titonu lọ tọn.”—Hia Matiu 24:3, 7-14, 21, 22.

To whenue Jesu na dugán na owhe 1 000 sọn olọn mẹ do aigba ji, e na doalọtena yajiji lẹpo. (Isaia 9:6, 7; 11:9) Gbọnvona dọ Jesu na yin Ahọlu, e nasọ yinuwa taidi Yẹwhenọ Daho bo na zẹhudo ylando mẹhe yiwanna Jiwheyẹwhe lẹ tọn ji. Gbọnmọ dali, Jiwheyẹwhe na de azọ̀n, yọnho po okú po sẹ̀ gbọn Jesu gblamẹ.—Hia Isaia 25:8; 33:24.

5. Mẹnu lẹ wẹ na nọgbẹ̀ to Paladisi he ja lọ mẹ?

To Plitẹnhọ Ahọluduta tọn mẹ, hiẹ na mọ mẹhe yiwanna Jiwheyẹwhe bo jlo na plọn nado wà ojlo etọn lẹ

Mẹhe setonuna Jiwheyẹwhe lẹ na nọgbẹ̀ to Paladisi mẹ. (1 Johanu 2:17) Jesu do hodotọ etọn lẹ hlan nado yì dín ahunjijlọnọ lẹ bo plọn yé lehe yé sọgan yin alọkẹyi gbọn Jiwheyẹwhe dali do. To egbehe, Jehovah to awuwlena gbẹtọ livi susu lẹ nado nọgbẹ̀ to Paladisi he ja lọ mẹ to aigba ji. (Zefania 2:3) To Plitẹnhọ Ahọluduta tọn Kunnudetọ Jehovah tọn lẹ tọn mẹ, gbẹtọ lẹ nọ plọn lehe yé sọgan yin asu kavi otọ́ dagbe podọ asi kavi onọ̀ dagbe de do. Ovi lẹ po mẹjitọ lẹ po nọ sẹ̀n Jiwheyẹwhe to pọmẹ bo nọ plọn lehe yé sọgan mọaleyi sọn wẹndagbe lọ mẹ do.—Hia Mika 4:1-4.