Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Plọn Ovi Towe Lẹ

 ADÀ 12

Ylọnẹn-Ylọvi Paulu Tọn Yin Adọgbotọ

Ylọnẹn-Ylọvi Paulu Tọn Yin Adọgbotọ

Gbọ mí ni plọnnu do jọja sunnu he whlẹn ylọnẹn etọn gán de ji. Apọsteli Paulu wẹ yin ylọnẹn jọja enẹ tọn. Biblu ma dọ yinkọ jọja lọ tọn na mí, amọ́ mí yọnẹn dọ ewọ wà nude he biọ adọgbigbo taun. Be a jlo na yọ́n nuhe e wà lọ ya?—

Paulu tin to gànpamẹ to Jelusalẹm. E yin wiwle na e to kunnude gando Jesu go wutu. Sunnu ylankan delẹ gbẹwanna Paulu, enẹwutu yé blasé ylankan de. Yé dọ to yedelẹ ṣẹnṣẹn dọmọ: ‘Mì wá mí ni dọna awhàngán daho lọ dọ ewọ ni degbena awhànfuntọ etọn lẹ na yé ni plan Paulu wá whẹdatẹn. Mí na họnbẹ do alipá, podọ eyin yé plan Paulu wá jei, mí na hù i!’

Ylọnẹn-ylọvi Paulu tọn dọ nuhe e sè lọ na Paulu podọ na awhàngán daho lọ

Ylọnẹn-ylọvi Paulu tọn sè nuhe yé jlo na wà lọ. Etẹwẹ e wà? E yì gànpa lọ mẹ bo dọ nuhe e sè lọ na Paulu. To afọdopolọji, Paulu dọna ẹn dọ ni yì dọ ohó lọ na awhàngán daho lọ. Be a lẹndọ e bọawuna ylọnẹn-ylọvi Paulu tọn nado yì dọ ohó lọ na awhàngán lọ ya?— Lala, na ogán daho de wẹ awhàngán lọ yin. Amọ́, e gboadọ bo dọ ohó lọ na awhàngán lọ.

Awhàngán lọ yọ́n nuhe e dona wà. E de awhànfuntọ diblayi 500 nado basi hihọ́na Paulu! E dọna yé nado plan Paulu yì Sesalea to ozán enẹ mẹ. Be Paulu yin hùhù wẹ ya?— Lala, sunnu ylankan lọ lẹ ma penugo nado wà nude na ẹn! Tito ylankan yetọn ma pà yé.

Etẹwẹ a sọgan plọn sọn otàn ehe mẹ?— Hiẹ lọsu sọgan yin adọgbotọ taidi ylọnẹn-ylọvi Paulu tọn. Mí dona nọ gboadọ to whenue mí to ohó Jehovah tọn dọna mẹdevo lẹ. Be a na gboadọ bo zindonukọn to ohó Jehovah tọn didọ mẹ ya?— Eyin a wàmọ, a sọgan whlẹn mẹde gán.