Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Be Oṣiọ lẹ Sọgan Gọwá Nọgbẹ̀ Nugbonugbo Ya?

Be Oṣiọ lẹ Sọgan Gọwá Nọgbẹ̀ Nugbonugbo Ya?

Etẹwẹ yin gblọndo towe . . .

  • mọwẹ?

  • lala?

  • n’ma yọnẹn?

 NUHE BIBLU DỌ

“Fọnsọnku . . . de na tin.”—Owalọ lẹ 24:15, Lẹdogbedevomẹ Aihọn Yọyọ Tọn.

 BE MÍ SỌGAN YÍ NUHE BIBLU DỌ SÈ NUGBONUGBO YA?

Mọwẹ, e whè gbau na whẹwhinwhẹ́n atọ̀n ehelẹ wutu:

  • Jiwheyẹwhe wẹ Dowatọ ogbẹ̀ tọn. Biblu dọ dọ Jehovah Jiwheyẹwhe wẹ “asisa ogbẹ̀ tọn.” (Psalm 36:9; Owalọ lẹ 17:24, 25) Ewọ wẹ nagbẹ̀ nudida lẹpo, podọ e họnwun dọ e penugo nado hẹn mẹhe ko kú de gọwá ogbẹ̀.

  • Jiwheyẹwhe ko fọ́n mẹdelẹ sọnku wayi. Biblu dọho gando fọnsọnku omẹ ṣinatọ̀n delẹ tọn go—yèdọ yọpọvu po mẹho po, sunnu po yọnnu po—he yin hinhẹn gọwá ogbẹ̀ to aigba ji. Delẹ to yé mẹ yin finfọn to ojlẹ kleun de godo, ṣigba mẹdopo ko nọ yọdò mẹ na azán ẹnẹ!—Johanu 11:39-44.

  • Jiwheyẹwhe tin to jejeji nado wàmọ whladopo dogọ. Jehovah gbẹwanna okú; e nọ pọ́n ẹn hlan di kẹntọ. (1 Kọlintinu lẹ 15:26) Ewọ tindo “ojlo” vẹkuvẹku nado gbawhàn kẹntọ enẹ tọn bo de okú sẹ̀ gbọn fọnsọnku dali. Ojlo etọn wẹ nado hẹn mẹhe tin to oflin etọn mẹ lẹ gọwá ogbẹ̀ bo mọ yé to aigba ji whladopo dogọ.—Job 14:14, 15.

ALE HE ENẸ SỌGAN HẸNWA NA WE

E na miọnhomẹna we to whenue mẹyiwanna towe de kú.—2 Kọlintinu lẹ 1:3, 4.

E na hẹn we vò sọn obu okú tọn si.—Heblu lẹ 2:15.

E na hẹn we tindo todido nujọnu tọn nado gọ̀ mẹyiwanna towe he ko kú lẹ mọ.—Johanu 5:28, 29.

 ETẸ A LẸN?

Naegbọn mí do nọ poyọnho bo nọ kú?

Biblu na gblọndo kanbiọ ehe tọn to GẸNẸSISI 3:17-19 po LOMUNU LẸ 5:12 po mẹ.

 

Plọnnu Dogọ

Todido Tẹwẹ Tin Na Mẹhe Kú Lẹ?

Etẹwẹ nọ jọ do mí go to whenue mí kú? Be mí na wá mọ mẹyiwanna mítọn he kú lẹ gbèdopo ya?