Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnmẹ Delẹ sọn Biblu Mẹ

 NUPINPLỌN 36

Opà Jẹfta Tọn

Opà Jẹfta Tọn

Islaelivi lẹ sọ jo Jehovah do whladopo dogọ bo jẹ yẹwhe lalo lẹ sẹ̀n ji. Whenue Amọninu lẹ tọ́nawhàn Islaelivi lẹ bo hoavùn hẹ yé, yẹwhe lalo enẹlẹ ma wà nude nado gọalọna yé. Islaelivi lẹ jiya na owhe susu. To godo mẹ, yé dọna Jehovah dọmọ: ‘Mí ko waylando. Jaale bo whlẹn mí sọn alọ kẹntọ mítọn lẹ tọn mẹ.’ Islaelivi lẹ gídí boṣiọ yetọn lẹ bo gọjẹ Jehovah sẹ̀n ji. Jehovah ma jlo dọ yé ni to yaji zọnmii.

Awhànfuntọ de he nọ yin Jẹfta wá yin dide nado nọ nukọnna akọta lọ nado funawhàn sọta Amọninu lẹ. E dọna Jehovah dọ: ‘Eyin a gọalọna mí nado duto awhàn ehe ji, n’dopà dọ whenue n’na lẹkọwa whé, n’na ze omẹ tintan he na tọ́n sọn owhé ṣie gbè nado  wá pé mi jo na we.’ Jehovah sè odẹ̀ Jẹfta tọn bo gọalọna ẹn nado duto awhàn lọ ji.

Whenue Jẹfta lẹkọwa whé, omẹ tintan he tọ́n wá pé e wẹ viyọnnu etọn, yèdọ ovi dopo gee he e tindo. Viyọnnu lọ to húnhò bo to wedu. Etẹwẹ Jẹfta na wà? E flin opà he e ko do lọ bo dọmọ: ‘Ṣo, viyọnnu ṣie! A hẹn mi jẹflumẹ pete. N’ko dopà na Jehovah. Nado hẹn opà ṣie di, n’dona do we hlan Ṣilo nado yì sẹ̀n to gòhọtúntún mẹ.’ Ṣigba, viyọnnu etọn dọna ẹn dọmọ: ‘Otọ́ ṣie, eyin hiẹ ko dopà na Jehovah, hiẹ dona hẹn opà towe di. Nuhe n’jlo poun wẹ yindọ hiẹ ni dike ma yì nọ osó lẹ ji hẹ awhli họntọn ṣie lẹ na osun awe. Enẹgodo, n’na yì.’ Viyọnnu Jẹfta tọn sọ yí nugbonọ-yinyin do sẹ̀n to gòhọtúntún lọ mẹ na pipotọ gbẹzan etọn tọn. To whemẹwhemẹ, họntọn etọn lẹ nọ yì pọ́n ẹn to Ṣilo.

“Mẹdepope he tindo owanyi na visunnu kavi viyọnnu hú mi ma jẹna mi.”​—Matiu 10:37

Plọnnu Dogọ

PLỌN OVI TOWE LẸ

E Hẹn Homẹ Otọ́ Etọn po Jehovah po Tọn Hùn

Opà tẹwẹ viyọnnu Jẹfta tọn setonuna? Nawẹ mí sọgan hodo apajlẹ etọn gbọn?