Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnmẹ Delẹ sọn Biblu Mẹ

Homẹbibiọ Na Adà 6

Homẹbibiọ Na Adà 6

Whenue Islaelivi lẹ wá jẹ Aigba Pagbe tọn lọ ji, gòhọtúntún lọ lẹzun ahọnkan sinsẹ̀n-bibasi nugbo tọn to finẹ. Yẹwhenọ lẹ nọ plọnmẹ Osẹ́n lọ bọ whẹdatọ lẹ nọ deanana akọta lọ. Adà ehe do obà he mẹ nudide po nuyiwa mẹdopo tọn po sọgan yinuwado mẹdevo lẹ ji jẹ hia. Islaelivi dopodopo wẹ tindo azọngban de to Jehovah po gbẹtọ hatọ etọn lẹ po nukọn. Dọ̀n ayidonugo wá nuyiwadomẹji dagbe he Debola, Naomi, Jọṣua, Hanna, viyọnnu Jẹfta tọn po Samuẹli po tindo do mẹhe lẹdo yé lẹ ji. Sọ zinnudeji dọ mẹhe ma tlẹ yin Islaelivi delẹ, taidi Lahabi, Luti, Jaeli po Gibeọninu lẹ po magbe nado nọ adà Islaelivi lẹ tọn mẹ, na yé yọnẹn dọ Jiwheyẹwhe tin hẹ yé wutu.

TO ADÀ EHE MẸ

NUPINPLỌN 29

Jehovah De Jọṣua

Jiwheyẹwhe na anademẹ delẹ Jọṣua, ehe gán gọalọna mílọsu to egbehe.

NUPINPLỌN 30

Lahabi Whlá Amẹ́ Lẹ

Adó Jẹliko tọn lẹ họ́jai. Amọ́, ohọ̀ Lahabi tọn gbọṣi ote mahopọnna dọ e yin gbigbá do adó lọ ji.

NUPINPLỌN 31

Jọṣua po Gibeọninu lẹ Po

Jọṣua hodẹ̀ hlan Jiwheyẹwhe dọmọ: “Owhè, nọte guun!” Be Jiwheyẹwhe na gblọndo ya?

NUPINPLỌN 32

Nukọntọ Yọyọ de po Yọnnu Adọgbotọ Awe Po

To okú Jọṣua tọn godo, Islaelivi lẹ jẹ boṣiọ lẹ sẹ̀n ji. Gbẹzan yetọn wá vẹawu, amọ́ alọgọ wá sọn Whẹdatọ Balak, yẹwhegán-yọnnu Debola, gọna Jaeli po opò tlọ́ntlọ́n gòhọ tọn etọn po dè!

NUPINPLỌN 33

Luti po Naomi Po

Yọnnu awe he asu kú do delẹ lẹkọyi Islaeli. Dopo to yé mẹ, he nọ yin Luti yì glemẹ nado wazọ́n bọ Boazi doayi e go.

NUPINPLỌN 34

Gideoni Gbawhàn Midianinu lẹ Tọn

To whenue Midianinu lẹ ko doyana yé godo, Islaelivi lẹ vẹ̀ Jehovah dọ ewọ ni gọalọna yé. Nawẹ awhànpa pẹvi Gideoni tọn gbawhàn awhànfuntọ 135 000 lẹ tọn gbọn?

NUPINPLỌN 35

Hanna Biọ Visunnu de to Odẹ̀ Mẹ

Ẹlkana nọ plan Hanna, Pẹnina po ovi etọn lẹ po yì Ṣilo nado basi sinsẹ̀n to gòhọtúntún mẹ. Hanna hodẹ̀ to finẹ nado biọ visunnu de. To owhe dopo godo, e ji Samuẹli!

NUPINPLỌN 36

Opà Jẹfta Tọn

Opà tẹwẹ Jẹfta do, podọ etẹwutu? Nawẹ viyọnnu Jẹfta tọn yinuwa gando opà he otọ́ etọn do go gbọn?

NUPINPLỌN 37

Jehovah Dọhona Samuẹli

Visunnu Yẹwhenọ Daho Eli tọn awe lẹ nọ wadevizọn taidi yẹwhenọ to gòhọtúntún mẹ, amọ́ yé ma nọ setonuna osẹ́n Jiwheyẹwhe tọn lẹ. Jọja Samuẹli gbọnvona yé, podọ Jehovah dọhona ẹn.

NUPINPLỌN 38

Jehovah Na Huhlọn Samsọni

Jiwheyẹwhe na huhlọn Samsọni na e nido hoavùn hẹ Filistinu lẹ, amọ́ Samsọni wá basi nudide he ma sọgbe de bọ Filistinu lẹ wle e.