Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnmẹ Delẹ sọn Biblu Mẹ

 NUPINPLỌN 19

Azọ̀nylankan Atọ̀n He Jẹnukọn Lẹ

Azọ̀nylankan Atọ̀n He Jẹnukọn Lẹ

Islaelivi lẹ yin hinhẹn po huhlọn po nado wazọ́n taidi afanumẹ lẹ. Jehovah do Mose po Aalọn po hlan Falo dè nado dowẹn ẹn dọmọ: ‘Jo omẹ ṣie lẹ do, na yé nido yì danfafa ji nado sẹ̀n mi.’ Falo gblọn po goyiyi po dọmọ: ‘Jehovah gán dọ nue jlo e, n’ma na jo Islaelivi lẹ do bọ yé na yì.’ Enẹgodo, Falo hẹn azọ́n yetọn sinyẹn deji. Jehovah na gbẹnuna Falo. A yọ́n lehe e wàmọ gbọn ya? E hẹn Azọ̀nylankan Ao lẹ wá otò Egipti tọn ji. Jehovah dọna Mose dọ: ‘Falo ma jlo na dotoaina mi. To afọnnu, e na yì Tọ̀sisa Nile tó. Yì e dè bo dọna ẹn dọ, na e ma jo omẹ ṣie lẹ do bọ yé yì wutu, osin Nile tọn lẹpo wẹ na lẹzun ohùn.’ Mose setonu bo yì Falo dè. Aalọn sọ zìn opò etọn do Nile mẹ to nukun Falo tọn mẹ bọ tọ̀sisa lọ lẹzun ohùn. Tọ̀sisa lọ jẹ wánlùn ji, whèvi he to e mẹ lẹ sọ kú bọ osin Nile tọn masọ yọ́n nù ba. Etomọṣo, Falo gbẹ́ dọ Islaelivi lẹ ma na yì.

 To azán ṣinawe godo, Jehovah gọ̀ Mose dohlan Falo dè po owẹ̀n ehe po: ‘Eyin a ma tún omẹ ṣie lẹ dote, opàn lẹ na gọ́ otò Egipti tọn mẹ.’ Aalọn sọ ze opò etọn hlan aga bọ opàn lẹ jẹ tintọ́n ji bo gọ́ aigba lọ ji. Opàn lẹ gbọn filẹpo to owhé lẹ gbè, to adọzan lẹ ji podọ to núdù-panu lẹ mẹ. Fide ma pò bọ opàn ma tin te! Falo biọ to Mose si dọ ni vẹ̀ Jehovah nado doalọtena azọ̀nylankan ehe. E sọ dopà dọ emi na jo Islaelivi lẹ do bọ yé na yì. Enẹwutu, Jehovah doalọtena azọ̀nylankan lọ bọ Egiptinu lẹ bẹ opàn kúkú lọ lẹ pli do gọnu-gọnu. Aigba lọ sọ jẹ wánlùn ji. Etomọṣo, Falo ma dike yé ni yì.

Enẹgodo, Jehovah dọna Mose dọ: ‘Aalọn ni lì opò etọn kọmẹ, kọ́gudu lọ nasọ lẹzun jẹhli lẹ.’ To afọdopolọji, jẹhli gọ́ filẹpo. Delẹ to omẹ Falo tọn lẹ mẹ tlẹ dọna ẹn dọ: ‘Jiwheyẹwhe dè wẹ azọ̀nylankan ehe wá sọn.’ Etomọṣo, Falo ma dike Islaelivi lẹ ni yì.

“Yẹn na hẹn huhlọn po hlọnhlọn ṣie po zun yinyọnẹn na yé, yé nasọ yọnẹn dọ oyín ṣie wẹ Jehovah.”—Jelemia 16:21

Plọnnu Dogọ

TITO NUPINPLỌN TỌN NA SINSẸ̀N-BIBASI WHẸNDO TỌN

Jiwheyẹwhe Do Mose Hlan Egipti

Mose po Aalọn do adọgbigbo hia to whenue yé yì dọhona Falo huhlọnnọ lọ. Yí nuplọnmẹwe ehelẹ bo dọhodo yé ji to pọmẹ hẹ whẹndo towe.

YẸDIDE NUPINPLỌN TỌN LẸ

Azọ̀nylankan Atọ̀n Tintan He Wá Egipti Ji Lẹ

Naegbọn atọ̀n tintan lẹ do gbọnvo taun na ṣinawe he wá bọdego lẹ?

YẸDIDE MẸHE GO BIBLU DONÙ LẸ TỌN

Yẹdide Aalọn He to Biblu mẹ Tọn

Naegbọn Jiwheyẹwhe ma dike bọ Aalọn yì aigba opagbe tọn lọ ji?