Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnmẹ Delẹ sọn Biblu Mẹ

 NUPINPLỌN 10

Mì Flin Asi Lọti Tọn

Mì Flin Asi Lọti Tọn

Lọti nọ tavẹ etọn Ablaham dè to aigba Kenani tọn ji. To godo mẹ, Ablaham po Lọti po wá tindo kanlin susu sọmọ bọ tẹnmẹ ma tin na kanlin lọ lẹpo to aigba lọ ji. Ablaham dọna Lọti dọmọ: ‘Mí ma gán sọ nọpọ́ to fidopo ba. Jaale, de fihe jlo we nado yì, bọ yẹn na yì fidevo.’ Enẹ dohia dọ Ablaham ma yin ṣejannabinọ, kavi?

Lọti mọ adà aigba lọ tọn he yọnwhanpẹ de sẹpọ tòdaho he nọ yin yiylọdọ Sodọmi. Osin po ogbé-mú po sù to aigba lọ ji. Enẹwutu, e de nado yì finẹ bo bẹ whẹndo etọn jẹ dọ́n.

Mẹhe nọ nọ̀ Sodọmi po tòdaho Gomọla tọn he sẹpọ ẹ po mẹ lẹ nọ wà nuylankan taun. Na nugbo tọn, walọ yetọn ylan sọmọ bọ Jehovah magbe nado và tòdaho lọ lẹ sudo. Ṣigba, Jiwheyẹwhe jlo na whlẹn Lọti po whẹndo etọn po, enẹwutu e do angẹli awe hlan nado na yé avase dọmọ: ‘Mì yawu! Mì tọ́n sọn tòdaho ehe mẹ! Jehovah jlo na và ẹ sudo.’

Lọti ma dedo to afọdopolọji. E to gbàndọn. Enẹwutu, angẹli lọ lẹ hẹn alọ etọn, gọna alọ asi etọn po viyọnnu etọn awe lẹ po tọn bo dọ̀n yé tọ́n sọn tòdaho lọ mẹ, bosọ dọna yé dọmọ: ‘Mì họnyi nado whlẹn ogbẹ̀ mìtọn! Mì lẹkọ pọ́n godo blo. Eyin mì pọ́n godo, mì na kú!’

To whenue yé jẹ tòdaho Zoali tọn mẹ, Jehovah hẹn jikun miyọ́n po whèmi po tọn ja do Sodọmi po Gomọla po ji. Tòdaho awe lọ lẹ yin  vivasudo pete. Whenue asi Lọti tọn vẹtolina Jehovah bo pọ́n godo, e lẹzun dòtin ojẹ̀ tọn! Amọ́, nude ma wà Lọti po viyọnnu etọn lẹ po, na yé setonuna Jehovah wutu. Tonumase nawe lọ tọn na ko hẹn yé blawu taun. Ṣigba, homẹ yetọn hùn dọ yé setonuna anademẹ Jehovah tọn lẹ.

“Mì flin asi Lọti tọn.”​—Luku 17:32